សន្ទរកថានិងសេចក្តីអធិប្បាយ សម្តេចមហាបវរធិបតី ហ៊ុន ម៉ាណែត ក្នុងឱកាសអបអរសាទរខួបលើកទី១៩ ទិវាអតីតយុទ្ធជន និងនិវត្តជនកម្ពុជា ថ្ងៃទី ១២ឧសភា ឆ្នាំ២០២៦

សង្កថា

[ចាប់ផ្ដើមសេចក្ដីអធិប្បាយ១] អរគុណសន្តិភាព! អរគុណនយោបាយឈ្នះឈ្នះ!ដឹងគុណស្ថាបនិក មគ្គទេសក៍ឯក និងប្រតិបត្តិករនយោបាយឈ្នះឈ្នះ ដែលនាំមកនូវសន្តិភាពនិងការឯកភាពជាតិពេញលេញ! ឯកឧត្តម លោកជំទាវ សមាជិក សមាជិកា ព្រឹទ្ធសភា រដ្ឋសភា រាជរដ្ឋាភិបាលគណៈធិបតី ភ្ញៀវកិត្តិយស និងអង្គពិធីជាទីមេត្រី! ថ្ងៃនេះ ខ្ញុំមានសេចក្ដីសប្បាយរីករាយក្រៃលែង ដែលបានចូលរួមជាអធិបតីក្នុងពិធីអបអរសាទរទិវា អតីតយុទ្ធជន និង និវត្តជនកម្ពុជា លើកទី១៩ ថ្ងៃទី ១២ឧសភា ឆ្នាំ២០២៦ នេះ។ ខ្ញុំសូមអរគុណចំពោះឯកឧត្តម នាយ​ឧត្តមសេនីយ គន់ គីម ទេសរដ្ឋមន្រ្តី និងជាអគ្គលេខាធិការនៃសមាគមអតីតយុទ្ធជន។ អម្បាញ់មិញ ចង់ភ័យឧទ្ទេសនាមច្រឡំ។ មិនដឹងថាពូច្រឡំយ៉ាងម៉េច(កើត) បើសម្ដេចតេជោ ច្បាស់ណាស់គាត់សក់ខ្មៅ ហើយសង្ហាជាងខ្ញុំឆ្ងាយ។ កាលខ្ញុំនៅសក់ខ្មៅ ថាច្រឡំចុះ ឥឡូវសក់ខ្ញុំឡើងសអស់ទៅហើយ។ សូមកោតសរសើរឯកឧត្តម គន់ គីម និយាយរួម ដែលគាត់មានសិល្បៈនៅក្នុងការចលនា។ កម្រមានអ្នកនិយាយថាទេ។ រាល់សកម្មភាព កម្មវិធីទាំងអស់ ចលនាឱ្យជួយឧបត្ថម្ភដល់អតីតយុទ្ធជន។ អម្បាញ់មិញ គាត់ថា (បាន) ២០០ផ្ទះបាត់។ ឥឡូវឡើង…

បទអន្តរាគមន៍ និងសេចក្ដីអធិប្បាយ សម្ដេចមហាបវរធិបតី ហ៊ុន ម៉ាណែត ថ្លែងក្នុងសម័យប្រជុំរដ្ឋសភាជាតិវិសាមញ្ញ នីតិកាលទី៧ អំពី សេចក្តីព្រៀងច្បាប់ ស្តីពីកាតព្វកិច្ចយោធា

សង្កថា

សូមគោរព សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា,សម្តេចក្រឡាហោម ស ខេង  សម្តេចពិជ័យសេនា ទៀ បាញ់  និងសម្តេចកិត្តិសង្គហបណ្ឌិត ម៉ែន សំអន ជាទីគោរពដ៏ខ្ពង់ខ្ពស់,ឯកឧត្តមអនុប្រធានរដ្ឋសភា, ឯកឧត្តម លោកជំទាវ តំណាងរាស្រ្ត តំណាងរាជរដ្ឋាភិបាល និងអង្គសភាទាំងមូល! ថ្ងៃនេះ, ខ្ញុំពិតជាមានកិត្តិយស និងសេចក្តីរីករាយ ដែលបានមកចូលរួមធ្វើ បទអន្តរាគមន៍ជូនអង្គសភាដ៏ឧត្តុង្គឧត្តម អំពីច្បាប់ស្តីពី កាតព្វកិច្ចយោធា នាសម័យប្រជុំរដ្ឋសភាជាវិសាមញ្ញនីតិកាលទី៧ នាពេលនេះ ។ ខ្ញុំសូមថ្លែងអំណរគុណ ជូនចំពោះសម្តេចប្រធានរដ្ឋសភា និង គណៈកម្មាធិការអចិន្រ្តៃយ៍រដ្ឋសភា ដែលបានទទួលយកសេចក្តីស្នើសុំរបស់រាជរដ្ឋាភិបាលលើការកោះប្រជុំរដ្ឋសភាជាវិសាមញ្ញនីតិកាលទី៧ ព្រមទាំងបានពិនិត្យ និងសិក្សា​លើសេចក្តីព្រាងច្បាប់ស្តីពី កាតព្វកិច្ចយោធា  ដែល ឯកឧត្ត​ម កែប ជុតិមា ប្រធានគណៈកម្មាធិការមហាផ្ទៃ ការពារជាតិ មុខងារសាធារណៈ និងកិច្ចការព្រំដែននៃរដ្ឋសភា ទើបបានរាយការណ៍ជូនអង្គសភាដ៏ឧត្តុង្គឧត្តម និងបានអនុញ្ញាតឱ្យខ្ញុំ ធ្វើបទអន្តរាគមន៍ មុនអង្គសភា យកមកពិចារណាអនុម័ត។ ស្ថិតក្នុងបរិការណ៍ដែលស្ថានភាពតាមតំបន់ និង ពិភពលោក កាន់តែមានភាពតានតឹង, ស្មុគស្មាញ…

កម្ពុជា-វៀតណាម ប្ដេជ្ញាពង្រឹងកិច្ចសហប្រតិបត្តិការឱ្យដល់កម្រិតថ្មី និងកំណត់គោលដៅពាណិជ្ជកម្ម ២០ ប៊ីលានដុល្លារ

ប្រជាជន

(The Khmer Daily Network)៖ ក្នុងឱកាសនៃកិច្ចប្រជុំកំពូលអាស៊ានលើកទី៤៨ នាទីក្រុងសេប៊ូ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជួបពិភាក្សាការងារទ្វេភាគីជាមួយ ឯកឧត្តម Le Minh Hung នាយករដ្ឋមន្ត្រីនៃសាធារណរដ្ឋសង្គមនិយមវៀតណាម ដើម្បីពង្រឹង និងពង្រីកទំនាក់ទំនងនៃប្រទេសទាំងពីរឱ្យកាន់តែស្អិតរមួត។ នៅក្នុងជំនួបនោះ ឯកឧត្តម Le Minh Hung បានវាយតម្លៃខ្ពស់ចំពោះវឌ្ឍនភាពនៃទំនាក់ទំនងកម្ពុជា-វៀតណាម និងបានអញ្ជើញសម្តេចធិបតីទៅបំពេញទស្សនកិច្ចផ្លូវការនៅប្រទេសវៀតណាមជាថ្មីម្តងទៀត។ ជាមួយគ្នានេះ មេដឹកនាំទាំងពីរបានឯកភាពគ្នាលើចំណុចយុទ្ធសាស្ត្រសំខាន់ៗមួយចំនួន រួមមាន៖ ខួបលើកទី៧០ នៃទំនាក់ទំនងការទូត៖ ត្រៀមរៀបចំអបអរសាទរខួបអនុស្សាវរីយ៍លើកទី៧០ នៃទំនាក់ទំនងការទូតក្នុងឆ្នាំ២០២៧ ឱ្យបានអធិកអធម។ គោលដៅពាណិជ្ជកម្ម និងវិនិយោគ៖ ជំរុញទំហំពាណិជ្ជកម្មទ្វេភាគីឱ្យសម្រេចបានដល់ ២០ ប៊ីលានដុល្លារអាមេរិក និងលើកទឹកចិត្តឱ្យវិនិយោគិនវៀតណាមចូលមកកម្ពុជាកាន់តែច្រើន។ ការតភ្ជាប់ហេដ្ឋារចនាសម្ព័ន្ធ៖ ពន្លឿនការតភ្ជាប់ផ្លូវល្បឿនលឿន ភ្នំពេញ-បាវិត និង ហូជីមិញ-ម៉ុកបៃ ដើម្បីជំរុញសេដ្ឋកិច្ច និងការធ្វើដំណើរ។ កិច្ចសម្រួលច្រកព្រំដែន៖ សម្រួលនីតិវិធីគយ និងអន្តោប្រវេសន្ត៍នៅតាមច្រកព្រំដែនឱ្យមានភាពសាមញ្ញ និងងាយស្រួលសម្រាប់ការផ្លាស់ប្តូរទំនិញ។ ក្រៅពីវិស័យសេដ្ឋកិច្ច ប្រមុខរដ្ឋាភិបាលទាំងពីរក៏បានប្ដេជ្ញាបន្តកិច្ចសហប្រតិបត្តិការលើវិស័យនយោបាយ សន្តិសុខ ការពារជាតិ ថាមពល ទេសចរណ៍…

កម្ពុជា-សិង្ហបុរី ប្ដេជ្ញាពង្រឹងកិច្ចសហប្រតិបត្តិការយុទ្ធសាស្ត្រ និងចែករំលែកបទពិសោធន៍លើការអនុវត្តកាតព្វកិច្ចយោធា

ប្រជាជន

(The Khmer Daily Network)៖ នាថ្ងៃទី៧ ខែឧសភា ឆ្នាំ២០២៦ ក្នុងឱកាសនៃការអញ្ជើញចូលរួមកិច្ចប្រជុំកំពូលអាស៊ានលើកទី៤៨ នាទីក្រុងសេប៊ូ សាធារណរដ្ឋហ្វីលីពីន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាការងារទ្វេភាគីជាមួយ ឯកឧត្តម Lawrence Wong នាយករដ្ឋមន្ត្រីនៃសាធារណរដ្ឋសិង្ហបុរី ដើម្បីពង្រឹង និងពង្រីកសន្ទុះនៃទំនាក់ទំនងឱ្យកាន់តែរឹងមាំបន្ថែមទៀត។ នៅក្នុងជំនួបដ៏ស្និទ្ធស្នាលនេះ ឯកឧត្តម Lawrence Wong បានវាយតម្លៃខ្ពស់ចំពោះទំនាក់ទំនងជាប្រពៃណី និងកិច្ចសហប្រតិបត្តិការដ៏មានផ្លែផ្ការវាងប្រទេសទាំងពីរ។ ឯកឧត្តមបានបញ្ជាក់ពីការប្ដេជ្ញាចិត្តយ៉ាងមុតមាំរបស់សិង្ហបុរី ក្នុងការបន្តជំរុញទំនាក់ទំនងឱ្យកាន់តែជិតស្និទ្ធ ទាំងក្នុងក្របខ័ណ្ឌទ្វេភាគី និងពហុភាគី។ ជាការឆ្លើយតប សម្តេចធិបតី ហ៊ុន ម៉ាណែត បានសម្ដែងនូវការពេញចិត្តចំពោះវឌ្ឍនភាពនៃកិច្ចសហប្រតិបត្តិការលើវិស័យសំខាន់ៗ ដែលរួមមាន៖ វិស័យពន្ធដារ និងវិនិយោគ៖ ការចូលជាធរមាននៃវិសាធនកម្មលើកិច្ចព្រមព្រៀងមិនយកពន្ធត្រួតគ្នា (DTA) ដែលជាកត្តាគន្លឹះក្នុងការទាក់ទាញវិនិយោគិនសិង្ហបុរីកាន់តែច្រើនមកកម្ពុជា។ សន្តិសុខស្បៀង៖ ការចុះហត្ថលេខាលើអនុស្សរណៈនៃកិច្ចសហប្រតិបត្តិការ (MOC) ស្តីពីសន្តិសុខស្បៀង ដែលឆ្លុះបញ្ចាំងពីភាពជាដៃគូយុទ្ធសាស្ត្រ។ ការចែករំលែកបទពិសោធន៍យោធា៖ សម្តេចធិបតីបានជម្រាបជូនអំពីការចាប់ផ្ដើមអនុវត្ត ច្បាប់ស្តីពីកាតព្វកិច្ចយោធា នៅកម្ពុជាក្នុងឆ្នាំ២០២៦នេះ និងបានស្នើសុំឱ្យភាគីសិង្ហបុរី ចែករំលែកបទពិសោធន៍ដ៏សម្បូរបែបលើការអនុវត្តកិច្ចការនេះ ដើម្បីធានានូវភាពជោគជ័យ និងរលូន។ ក្រៅពីវិស័យខាងលើ…

នាយករដ្ឋមន្ត្រីកម្ពុជា-ថៃ ប្តេជ្ញាចិត្តរួមគ្នាសម្រាប់សន្តិភាពយូរអង្វែង

ប្រជាជន

FN ៖ ថ្លែងនៅក្នុងសន្និសីទសារព័ត៌មាន ស្តីពីលទ្ធផលនៃជំនួបពិភាក្សាត្រីភាគីរវាងហ្វីលីពីន កម្ពុជា និងថៃ នៅទីក្រុងសេប៊ូ ប្រទេសហ្វីលីពីន នាល្ងាចថ្ងៃទី០៧ ខែឧសភា ឆ្នាំ២០២៦នេះ សម្តេចមហាបវរធិបតី ​ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់ថា កម្ពុជា -ថៃ បានប្តេជ្ញាចិត្តរួមគ្នាសម្រាប់សន្តិភាពយូរអង្វែង។ សម្តេចមហាបវរធិបតី ហ៊ុន ម៉ាណែត បានថ្លែងដូចនេះថា «ថ្ងៃនេះ ខ្ញុំនិងនាយករដ្ឋមន្ត្រី Anutin ទើបតែបានជួបប្រជុំគ្នាដោយមានការប្តេជ្ញាចិត្តរួមគ្នាសម្រាប់សន្តិភាពយូរអង្វែង។ ការពិភាក្សារបស់យើងផ្តោតលើភាពតានតឹង និងវិធានការកសាងទំនុកចិត្ត ដើម្បីស្តារ និងពង្រឹងក្របខ័ណ្ឌការងារសម្រាប់សន្តិភាពយូរអង្វែង និងធ្វើឱ្យទំនាក់ទំនងប្រែមកធម្មតា។ យើងបានពិភាក្សាអំពីការបន្តឡើងវិញនូវយន្តការដែលមានស្រាប់ទាំងអស់ពោលគឺ JBC, GBC និង RBC ខណៈដែលរដ្ឋាភិបាល ថ្មីរបស់ប្រទេសថៃបានរៀបចំមុខងាររបស់ខ្លួនបានពេញលេញ»។ សម្តេចមហាបវរធិបតី ហ៊ុន ម៉ាណែត បានបញ្ជាក់ទៀតថា កម្ពុជាបានវាយតម្លៃខ្ពស់ចំពោះតួនាទីដ៏សំខាន់របស់ក្រុមអ្នកសង្កេតការណ៍អាស៊ាន (AOT) និងសូមថ្លែងអំណរគុណដល់រដ្ឋជាសមាជិកអាស៊ានចំពោះការគាំទ្រ និងការរួមចំណែកជាបន្តបន្ទាប់របស់ពួកគេ។ កម្ពុជាស្វាគមន៍ចំពោះការទទួលយកភាពជាអ្នកដឹកនាំរបស់ប្រទេសហ្វីលីពីនពីប្រទេសម៉ាឡេស៊ី។ កម្ពុជាបានពង្រីកកិច្ចសហប្រតិបត្តិការពេញលេញ និងអំពាវនាវឱ្យមានការពង្រឹងតួនាទីរបស់ AOT ដើម្បីផ្ទៀងផ្ទាត់ និងធានាការអនុវត្តបទឈប់បាញ់ និងវិធានការដែលបានព្រមព្រៀងទាំងអស់។ យើងក៏បានគូសបញ្ជាក់ពីសារៈសំខាន់នៃការផ្លាស់ប្ដូររវាងប្រជាជន…

សារតាមបណ្ដាញសង្គមហ្វេសប៊ុក របស់សម្តេចមហាបវរធិបតី ហ៊ុន ម៉ាណែត អំពីការសម្រេចចិត្តរបស់រាជរដ្ឋាភិបាលកម្ពុជា ដែលនឹងប្រើប្រាស់យន្តការនៃការផ្សះផ្សារដោយចាប់បង្ខំ ឬ Compulsory Conciliation  ដែលស្ថិតនៅក្រោមអនុសញ្ញាអង្គការសហប្រជាជាតិ ស្តីពីនីតិសមុទ្រ (UNCLOS) បន្ទាប់ពីភាគីថៃបានប្រកាសជាផ្លូវការសម្រេចដកខ្លួនដោយឯកតោភាគីចេញពីអនុស្សរណៈនៃការយោគយល់គ្នារវាងកម្ពុជា-ថៃ ឬ MOU 2001 (ឬដែលភាគីថៃហៅថា MOU44)

សង្កថា

ជូនបងប្អូនជនរួមជាតិជាទីស្រលាញ់។ ថ្ងៃនេះរាជរដ្ឋាភិបាលកម្ពុជាបានសម្រេច នឹងប្រើប្រាស់យន្តការនៃការផ្សះផ្សារដោយចាប់បង្ខំ រឺមួយក៏យើងអាចហៅថា (Compulsory Conciliation) ដែលស្ថិតនៅក្រោមអនុសញ្ញាអង្គការសហប្រជាជាតិ ស្តីពីនីតិសមុទ្រ (UNCLOS) ដើម្បីស្វែងរកដំណោះស្រាយដោយសន្តិវិធី ផ្អែកលើមូលដ្ឋានច្បាប់ ក្នុងការដោះស្រាយតំបន់ទាមទារដែនសមុទ្រត្រួតគ្នារវាងកម្ពុជានិងថៃ បន្ទាប់ពីភាគីថៃបានប្រកាសជាផ្លូវការ សម្រេចដកខ្លួនដោយឯកតោភាគីចេញពីអនុស្សរណៈនៃការយោគយល់គ្នារវាងកម្ពុជា-ថៃ រឺហៅកាត់ថា MOU 2001 (ឬដែលភាគីថៃហៅថា MOU44) ។ ជាង២៥ឆ្នាំកន្លងមកនេះ អនុស្សរណៈនៃការយោគយល់គ្នារវាងកម្ពុជា-ថៃ MOU2001 បានដើរតួនាទីយ៉ាងសំខាន់ ដែលជាក្របខណ្ឌទ្វេភាគីតែមួយគត់ដែលបានឯកភាពគ្នា សម្រាប់ភាគីទាំងពីរក្នុងការដោះស្រាយតំបន់ទាមទារដែនសមុទ្រត្រួតគ្នា ហើយការចូលជាធរមាននៃអនុស្សរណៈនៃការយោគយល់គ្នានេះ បញ្ជាក់អោយឃើញអំពីស្មារតីនៃកិច្ចសហប្រតិបត្តិការ និងសុច្ឆន្ទៈទៅវិញទៅមក។ ជាការសោកស្តាយ ដែលភាគីថៃបានសម្រេចដកខ្លួនជាឯកតោភាគីចេញពីអនុស្សរណៈនៃការយោគយល់គ្នាមួយនេះ ហើយសម្រាប់កម្ពុជាយើងតែងតែផ្តល់លទ្ធភាពទៅដល់យន្តការទ្វេភាគី ដែលស្របទៅនឹងតាមអនុស្សរណៈនៃការយោគយល់គ្នាមួយនេះ។ ការដកខ្លួន ដោយឯកតោភាគីចេញពីអនុស្សរណៈនៃការយោគយល់គ្នានេះ គឺជាការបោះបង់ចោលកិច្ចព្រមព្រៀងទ្វេរភាគីតែមួយគត់ ដែលបង្កើតអោយមានក្របខណ្ឌទ្វេរភាគីតែមួយគត់ ដែលភាគីទាំងពីរបានពឹងផ្អែក និងប្រើប្រាស់ជាង ២ទសវត្សរ៍កន្លងមកនេះ។ ក្នុងករណីនេះ ក្នុងនាមជារដ្ឋដែលគោរព និងប្រកាន់ខ្ជាប់ច្បាប់អន្តរជាតិ ក៏ដូចជាការដោះស្រាយជម្លោះដោយសន្តិវិធី កម្ពុជាពុំមានជម្រើសអ្វីក្រៅពីពឹងផ្អែកទៅលើច្បាប់អន្តរជាតិ និងអនុសញ្ញាអង្គការសហប្រជាជាតិ ស្តីពីនីតិសមុទ្រ ជាពិសេសយន្តការនៃការផ្សះផ្សារដោយចាប់បង្ខំ (Compulsory Conciliation) ដែលបង្កើតឡើងក្រោមអនុសញ្ញាមួយនេះនោះទេ។ ឆ្លៀតក្នុងឱកាសនេះ ខ្ញុំក៏ចង់បញ្ជាក់បន្តិចដែរថា យន្តការនៃការផ្សះផ្សារដោយចាប់បង្ខំ (Compulsory…

សុន្ទរកថា និងសេចក្ដីអធិប្បាយ សម្ដេចមហាបវរធិបតី ហ៊ុន ម៉ាណែត សំណេះសំណាលជាមួយមន្រ្តីរាជការ បុគ្គលិក កម្មករ និយោជិត កំពង់ផែស្វយ័តក្រុងព្រះសីហនុ នាឱកាសអបអរសាទរខួបអនុស្សាវរីយ៍ លើកទី១៤០ នៃទិវាពលកម្មអន្តរជាតិ ១ ឧសភា ឆ្នាំ២០២៦ និងខួបអនុស្សាវរីយ៍លើកទី ៣០ នៃជំនួយអភិវឌ្ឍន៍ផ្លូវការរបស់ជប៉ុនសម្រាប់កំពង់ផែស្វយ័តក្រុងព្រះសីហនុ (១៩៩៦-២០២៦)

សង្កថា

ឯកឧត្តម អ៊ូអិណូ អាត់ស៊ូស៊ី (UENO Atsushi) ឯកអគ្គរាជទូតជប៉ុន ប្រចាំព្រះរាជាណាចក្រកម្ពុជា;ឯកឧត្តម លោកជំទាវ សមាជិក សមាជិកា ព្រឹទ្ធសភា រដ្ឋសភា និងរាជរដ្ឋាភិបាល;គណៈអធិបតី ភ្ញៀវកិត្តិយស កម្មករ កម្មការិនី និងបុគ្គលិកកំពង់ផែស្វយ័តក្រុងព្រះសីហនុ និងបងប្អូនជនរួមជាតិទាំងអស់ ជាទីមេត្រី! ថ្ងៃនេះ ខ្ញុំពិតជាមានសេចក្ដីសោមនស្ស ដែលបានជួបសំណេះសំណាលជាមួយ មន្ត្រីរាជការ បុគ្គលិក កម្មករ និយោជិត នៃកំពង់ផែស្វយ័តក្រុងព្រះសីហនុ នាឱកាសខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ១ ឧសភា ឆ្នាំ២០២៦ ក្រោមប្រធានបទ «រួមគ្នាកសាងភាពធន់ ដើម្បីការងារសមរម្យ» និងអបអរសាទរខួបអនុស្សាវរីយ៍លើកទី៣០ នៃជំនួយអភិវឌ្ឍន៍ផ្លូវការរបស់ជប៉ុនសម្រាប់កំពង់ផែស្វយ័តក្រុងព្រះសីហនុ (១៩៩៦-២០២៦) ជាមួយឯកឧត្តម អ៊ូអិណូអាត់ស៊ូស៊ី (UENO Atsushi) ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា និងឯកឧត្តម លោកជំទាវ លោក លោកស្រី នាពេលនេះ។ ខ្ញុំសូមយកឱកាសនេះ សម្ដែងនូវអំណរគុណជាអនេកចំពោះ ប្រជាពលរដ្ឋ រាជរដ្ឋាភិបាល និងទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន (JICA)…

សុន្ទរកថា និងសេចក្ដីអធិប្បាយ សម្ដេចមហាបវរធិបតី ហ៊ុន ម៉ាណែត សំណេះសំណាលជាមួយសហ​ជីព សេដ្ឋកិច្ចក្រៅប្រព័ន្ធ និង សមាគមបុគ្គលិកសិក្សា អបអរខួបលើកទី ១៤០ នៃទិវាពលកម្មអន្ដរជាតិ

សង្កថា

ឯកឧត្តម លោកជំទាវ សមាជិក សមាជិកា ព្រឹទ្ធសភា រដ្ឋសភា និង រាជរដ្ឋាភិបាល;គណៈអធិបតី, ភ្ញៀវកិត្តិយស, ថ្នាក់ដឹកនំាសហជីព, សមាជិក សមាជិកា សមាគមបុគ្គលិក–សិក្សាខ្មែរ និងបងប្អូនសេដ្ឋកិច្ចក្រៅប្រព័ន្ធ ជាទីមេត្រី! ថ្ងៃនេះ, ខ្ញុំពិតជាមានសេចក្ដីសោមនស្ស ដោយបានជួបសំណេះសំណាលជាមួយសហជីព សេដ្ឋកិច្ចក្រៅប្រព័ន្ធ និង សមាគមបុគ្គលិកសិក្សាខ្មែរ សរុបចំនួន ៥ ៤០០ នាក់ ដើម្បីអបអរសាទរខួបអនុស្សាវរីយ៍ លើកទី១៤០ នៃទិវាពលកម្មអន្តរជាតិ ១ ឧសភា ឆ្នាំ ២០២៦ ក្រោមប្រធាន-បទ «រួមគ្នាកសាងភាពធន់ ដើម្បីការងារសមរម្យ», និង អបអរសាទរការប្រគល់ពានរង្វាន់ «សហគ្រាសមួយជាសហគមន៍សុខសាន្តមួយ លើកទី២» ដែលជាអនុសាសន៍រួមគ្នារបស់ សម្តេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា នៃព្រះរាជាណាចក្រកម្ពុជា និង រូបខ្ញុំផ្ទាល់ នៅអំឡុងពេលចុះជួបសំណេះសំណាលជាមួយបងប្អូនកម្មករនិយោជិត ក្នុងឆ្នាំ២០២៣ ។ ការប្រារព្ធ «ទិវាពលកម្មអន្តរជាតិ ១ ឧសភា»…

សម្តេចមហាបវរធិបតី ប្រាប់រដ្ឋមន្ត្រីការបរទេស និងការពារជាតិចិនថា ការដោះស្រាយ បញ្ហាព្រំដែនជាមួយថៃ គឺផ្អែកលើច្បាប់ អន្តរ ជាតិ និងអនុលោមតាមអនុសញ្ញា សន្ធិសញ្ញា និងកិច្ចព្រមព្រៀងទ្វេភាគី

ប្រជាជន

(FN)៖ក្នុងជំនួបជាមួយរដ្ឋមន្ត្រីការបរទេស និងការពារជាតិរបស់ចិន ក្រៅពីពិភាក្សាលើការជំរុញទំនាក់ទំនង និងកិច្ចសហប្រតិបត្តិការទ្វេភាគីហើយនោះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក៏បានលើកពីបញ្ហាជម្លោះព្រំដែនរវាងកម្ពុជា និងថៃផងដែរ។ សម្តេចមហាបវរធិបតី បានប្រាប់រដ្ឋមន្ត្រីការបរទេស និងរដ្ឋមន្ត្រីការពារជាតិរបស់ចិនថា ការដោះស្រាយ បញ្ហាព្រំដែនជាមួយថៃ គឺផ្អែកលើច្បាប់ អន្តរ ជាតិ និងអនុលោមតាមអនុសញ្ញា សន្ធិសញ្ញា និងកិច្ចព្រមព្រៀងទ្វេភាគីដែលកម្ពុជា និងថៃ បានធ្វើជាមួយគ្នា។ លោក វ៉ាង យី រដ្ឋមន្ត្រីការបរទេសចិន និងនាយឧត្តមនាវី តុង ជុន រដ្ឋមន្ត្រីការពារជាតិរបស់ចិន នៅរសៀលថ្ងៃពុធ ទី២២ ខែមេសា ឆ្នាំ២០២៦នេះ បន្ទាប់ពីអញ្ជើញដល់ប្រទេសកម្ពុជាភ្លាម ក៏បានអញ្ជើញជួបសម្តែងការគួរសម និងពិភាក្សាការងារជាមួយសម្តេចមហាបវរធិបតី ហ៊ុន ម៉ាណែត នៅវិមានរាជរដ្ឋាភិបាល។ ក្នុងជំនួបដែលអមដោយរដ្ឋមន្ត្រីការបរទេស និងរដ្ឋមន្ត្រីការពារជាតិរបស់ កម្ពុជាផងដែរ នោះ លោក វ៉ាង យី និងនាយឧត្តមនាវី តុង ជុន បានថ្លែងអំណរគុណយ៉ាងជ្រាលជ្រៅ ចំពោះ ការ ទទួលស្វាគមន៍យ៉ាងកក់ក្ដៅរបស់កម្ពុជា…

សម្តេចបវរធិបតី ហ៊ុន ម៉ាណែត សូមស្វាគមន៍ លោក វ៉ាង យី និង លោក តុង ជុន ដែលមកកាន់កម្ពុជា ដើម្បីចូលរួមកិច្ចសន្ទនាយុទ្ធសាស្ត្រ ២+២

ប្រជាជន

(FN)៖ នៅលើបណ្តាញសង្គម នៅល្ងាចថ្ងៃទី២២ ខែមេសា ឆ្នាំ២០២៦នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសស្វាគមន៍ចំពោះ លោក វ៉ាង យី (WANG Yi) រដ្ឋមន្ត្រីក្រសួងការបរទេស និងលោក តុង ជុន (DONG Jun) រដ្ឋមន្ត្រីក្រសួងការពារជាតិនៃសាធារណរដ្ឋប្រជាមានិតចិន ដើម្បីចូលរួមកិច្ចសន្ទនាយុទ្ធសាស្ត្រ ២+២ កម្ពុជា-ចិន លើកទី១ នៅទីក្រុងភ្នំពេញ។ សម្តេចបានលើកឡើងថា «កម្ពុជានិងចិនជាដៃគូយុទ្ធសាស្ត្រគ្រប់ជ្រុងជ្រោយ និងជាមិត្តដែកថែប ព្រមទាំងបាននិងកំពុងខិតខំកសាង សហគមន៍វាសនារួមកម្ពុជា-ចិនគ្រប់រដូវកាលក្នុងយុគសម័យថ្មី»។ កិច្ចប្រជុំលើកទី១ នៃយន្តការកិច្ចសន្ទនាយុទ្ធសាស្ត្រ «២+២» រវាងរដ្ឋមន្ត្រីការបរទេស និងរដ្ឋមន្ត្រីការពារជាតិកម្ពុជានិងចិន បានចាប់ផ្តើម នៅវេលាម៉ោងជិត៦ល្ងាចថ្ងៃទី២២ ខែមេសា ឆ្នាំ២០២៦នេះ នៅទីស្តីការក្រសួងការបរទេស និងសហប្រតិបត្តិការអន្តរជាតិនៃកម្ពុជា។ កិច្ចសន្ទនាយុទ្ធសាស្ត្រ «២+២» រវាងរដ្ឋមន្ត្រីការបរទេស និងរដ្ឋមន្ត្រីការពារជាតិកម្ពុជានិងចិន ធ្វើឡើងក្រោមការឯកភាពគ្នារវាងថ្នាក់ដឹកនាំកំពូលកម្ពុជា-ចិន អំឡុងពេលនៃដំណើរទស្សនកិច្ចផ្លូវរដ្ឋរបស់ លោក ស៊ី ជីនពីង ប្រធានាធិបតីចិន មកកាន់កម្ពុជា កាលពីខែមេសា…