សុន្ទរកថានិងសេចក្ដីអធិប្បាយ សម្ដេចធិបតី ហ៊ុន ម៉ាណែត ប្រកាសដាក់ឲ្យអនុវត្តជាផ្លូវការ «គោលការណ៍ណែនាំស្តីពីក្របខណ្ឌកម្មវិធីជាតិជំនួយសង្គមក្នុងកញ្ចប់គ្រួសារ» និង«គោលការណ៍ណែនាំស្តីពីក្របខណ្ឌកិច្ចគំាពារសង្គមឆ្លើយតបនឹងគ្រោះអាសន្ន»
បច្ចុប្បន្នភាព
វិមានសន្តិភាព រសៀលថ្ងៃទី៤ ខែធ្នូ ឆ្នាំ២០២៣ នាយឧត្តមសេនីយ៍ ហឺ វ័យទុង (He Weidong) អនុប្រធានគណៈកម្មាធិការយោធាមជ្ឈិម នៃសាធារណរដ្ឋប្រជាមានិតចិន បានជម្រាបជូន សម្ដេចធិបតី ហ៊ុន ម៉ាណែត ពីការប្តេជ្ញាចិត្តក្នុងការបន្តជំរុញកិច្ចសហប្រតិបត្តិការរវាងចិន និងកម្ពុជា ឱ្យលេចចេញជាសកម្មភាពជាក់ស្តែងទ្បើង ជាពិសេស គឺកិច្ចសហប្រតិបត្តិការត្បូងពេជ្រ។ ជារួម សម្តេចធិបតី និងឯកឧត្តម នាយឧត្តមសេនីយ៍ ហឺ វ័យទុង ក៏បានធ្វើការគាំទ្រផងដែរ ដល់សកម្មភាពនៃទំនាក់ទំនងកិច្ចសហប្រតិបត្តិការនានាក្នុងវិស័យការពារជាតិនៃប្រទេសទាំងពីរ រួមមាន ការហ្វឹកហ្វឺនបណ្តុះបណ្តាលធនធានមនុស្ស និងការដោះមីន និងយុទ្ធភ័ណ្ឌមិនទាន់ផ្ទុះ ជាដើម៕
វិមានសន្តិភាព រសៀលថ្ងៃទី១ ខែធ្នូ ឆ្នាំ២០២៣ ក្នុងជំនួបពិភាក្សាការងារ ឯកឧត្ដម សុធីន ខ្លាំងសែង រដ្ឋមន្រ្តីការពារជាតិនៃព្រះរាជាណាចក្រថៃ បានបញ្ជាក់ពីការបន្តផ្ដល់អាហារូបករណ៍ដល់សិក្ខាកាមយោធាកម្ពុជា ដែលសម្ដេចធិបតី ហ៊ុន ម៉ាណែត បានថ្លែងអំណរគុណ និងគាំទ្រជំរុញឲ្យបន្តមានការរៀបចំលំហាត់រួមគ្រប់កម្រិតនិងប្រភេទទ័ពរវាងប្រទេសទាំងពីរបន្ថែម៕
វិមានសន្តិភាព រសៀលថ្ងៃទី២៣ ខែវិច្ឆិកា ឆ្នាំ២០២៣ ថ្លែងក្នុងជំនួបពិភាក្សាការងារជាមួយសម្ដេចធិបតី ហ៊ុន ម៉ាណែត, លោក ជូអុក លី ប្រធានកម្មវិធីប្រចាំតំបន់អាស៊ី-ប៉ាស៊ីហ្វិក និងជាសមាជិកនៃគណៈកម្មាធិការប្រតិបត្តិវេទិកាសេដ្ឋកិច្ចពិភពលោក (WEF) បានគោរពអញ្ជើញសម្ដេចធិបតីចូលរួម និងជម្រាបពី សសរស្តម្ភទាំង ៤ នៃកិច្ចប្រជុំប្រចាំឆ្នាំរបស់វេទិកាសេដ្ឋកិច្ចពិភពលោកឆ្នាំ២០២៤ ដែលរួមមាន៖ (១)ការរក្សាសនិ្តសុខ និងកិច្ចសហប្រតិបត្តិការនៅក្នុងពិភពលោកដែលបាក់បែក (២)ការអភិវឌ្ឍរីកចម្រើន និងការបង្កើតការងារសម្រាប់យុគសម័យថ្មី (៣)ការប្រើប្រាស់បញ្ញាសិប្បនិមិត្ត ជាកម្លាំងជំរុញសេដ្ឋកិច្ច និងសង្គម និង(៤)ការដាក់ចេញនូវយុទ្ធសាស្រ្តរយៈពេលវែងសម្រាប់អាកាសធាតុ ធម្មជាតិ និងថាមពល។ សម្ដេចធិបតីបានឆ្លើយតបវិជ្ជមានចំពោះការអញ្ជើញ និងបញ្ជាក់ពីជំហរបន្តគាំទ្ររបស់រាជរដ្ឋាភិបាលកម្ពុជាចំពោះកិច្ចប្រជុំនានារបស់ WEF៕
វិមានសន្តិភាព រសៀលថ្ងៃទី២១ ខែវិច្ឆិកា ឆ្នាំ២០២៣ ឯកឧត្តម តាកាហាស៊ី ហ្វូមីអាគី (Fumiaki TAKAHASHI) ប្រធានសមាគមជប៉ុន-កម្ពុជា (JCA) និងជាអតីតឯកអគ្គរាជទូតជប៉ុន បានជម្រាបជូនសម្ដេចធិបតី ហ៊ុន ម៉ាណែត អំពីការជំរុញអ្នកវិនិយោគធុនតូច និងមធ្យមរបស់ជប៉ុន មកកម្ពុជាលើវិស័យការបោសសម្អាតមីន គមនាគមន៍ ការបណ្តុះបណ្តាលបច្ចេកទេស និងវិជ្ជាជីវៈជួសជុលយានយន្ត និងគិលានុបដ្ឋាក ហើយសមាគមក៏គ្រោងនឹងបើកការិយាល័យរបស់ខ្លួននៅកម្ពុជាសម្រាប់សម្របសម្រួលដល់ដំណើរការសហប្រតិបត្តិការរវាងធុរកិច្ចជប៉ុន និងកម្ពុជា។ ជាការឆ្លើយតប សម្ដេចធិបតី បានសម្ដែងការស្វាគមន៍ និងគាំទ្រចំពោះការវិនិយោគបន្ថែមទៀតពីជប៉ុន៕
វិមានសន្តិភាព រសៀលថ្ងៃទី២០ ខែវិច្ឆិកា ឆ្នាំ២០២៣ ប្រធានសហព័ន្ធសន្តិភាពសកល(Universal Peace Federation-UPF) លោកបណ្ឌិត ឆាល យ៉ាង (Charles Yang) បានស្នើសុំការគាំទ្រពីសម្ដេចធិបតី ហ៊ុន ម៉ាណែត ចំពោះ “ធម្មនុញ្ញសន្តិភាពសកល” របស់អង្គការ UPF ដែលជាការឆ្លើយតបសម្ដេចធិបតីបានបញ្ជាក់ពីការចូលរួមចំណែកគាំទ្ររបស់រាជរដ្ឋាភិបាលកម្ពុជា ដោយសារតែកម្ពុជានិងអង្គការ UPF មានគោលដៅរួមតែមួយ គឺការកសាងសន្តិភាព សាមគ្គីភាព និងការរីកចម្រើនរបស់សង្គម ហើយសង្ឃឹមថា អង្គការ UPF នឹងបន្តជំរុញសហប្រតិបត្តិការថ្មីថែមទៀតលើការលើកកម្ពស់សុខុមាលភាពប្រជាជនកម្ពុជា៕
សៀមរាប ព្រឹកថ្ងៃទី១៦ ខែវិច្ឆិកា ឆ្នាំ២០២៣ សម្ដេចមហាបវរធិបតី ហ៊ុន ម៉ាណែត បានទទួលជួបពិភាក្សាការងារជាមួយ ឯកឧត្ដម វ៉ាង អ៊ីប៉ (Wang Yubo) អភិបាលខេត្តយូណាន នៃសាធារណរដ្ឋប្រជាមានិតចិន នាឱកាសចូលរួមសម្ពោធអាកាសយានដ្ឋានអន្តរជាតិសៀមរាប-អង្គរ។ ក្នុងជំនួបនោះ ឯកឧត្ដមអភិបាលខេត្តយូណាន បានរៀបរាប់អំពីការយកចិត្តទុកដាក់របស់ខេត្តយូណាន ក្នុងការអភិវឌ្ឍអាកាសយានដ្ឋាននេះ និងរំពឹងថាទំនាក់ទំនងកិច្ចសហប្រតិបត្តិការកម្ពុជា-ចិន និយាយជារួម និងខេត្តយូណាននិយាយដោយទ្បែក នឹងកាន់តែមានភាពជិតស្និទ្ធ រឹងមាំ និងយូរអង្វែងបន្ថែមទៀត។ ជាការឆ្លើយតប សម្ដេចធិបតី បានសម្ដែងការអរគុណដល់ក្រុមហ៊ុនរដ្ឋទាំង៣របស់ខេត្តយូណាន ដែលបានបោះទុនវិនិយោគនៅកម្ពុជា និងលើកទឹកចិត្តឱ្យក្រុមហ៊ុនពង្រីកផែនការវិនិយោគនៅក្នុងខេត្តសៀមរាបបន្ថែមទៀត៕
វិមានសន្តិភាព រសៀលថ្ងៃទី៨ ខែវិច្ឆិកា ឆ្នាំ២០២៣ ក្នុងជំនួបពិភាក្សាការងារជាមួយនាយឧត្តមសេនីយ៍ លី ឈីវមីង (Li Qiaoming) មេបញ្ជាការកងទ័ពជើងគោក នៃកងទ័ពរំដោះប្រជាជនចិន, សម្ដេចមហាបវរធិបតី ហ៊ុន ម៉ាណែត បានគាំទ្រដល់គោលដៅបន្តពង្រឹង និងពង្រីកទំនាក់ទំនងរវាងកងទ័ពជើងគោកកម្ពុជានិងចិន ជាពិសេស កិច្ចសហប្រតិបត្តិការលើផ្នែកបណ្ដុះបណ្ដាលធនធានមនុស្ស ការរៀបចំសមយុទ្ធរួមគ្នា ការភ្ជាប់ទំនាក់ទំនងរវាងអង្គភាពនិងអង្គភាព ក៏ដូចជាការបោសសម្អាតមីននៅកម្ពុជា៕
ខេត្តសៀមរាប ព្រឹកថ្ងៃទី៥ ខែវិច្ឆិកា ឆ្នាំ២០២៣ ថ្លែងក្នុងឱកាសបើកសន្និបាតលើកទី៧ មិត្តកាយឫទ្ធិនារីតំបន់អាស៊ីប៉ាស៊ីហ្វិក សម្ដេចមហាបវរធិបតី ហ៊ុន ម៉ាណែត បានបង្ហាញការប្ដេជ្ញាចិត្តរបស់រាជរដ្ឋាភិបាលកម្ពុជា តាមរយៈយុទ្ធសាស្រ្តបញ្ចកោណដំណាក់កាលទី១ យកស្រ្តីជាស្នូលនៃការពង្រឹងភាពជាពលរដ្ឋនៅក្នុងសង្គម ដែលមានអារ្យធម៌ខ្ពស់ ប្រកបដោយសីលធម៌ សមធម៌ និងបរិយាបន្ន ដោយជំរុញការចូលរួមរបស់ស្ដ្រី ការបង្កើនឱកាសដល់ស្ដ្រីទទួលបានការអប់រំ និងបណ្ដុះបណ្ដាលវិជ្ជាជីវៈ បង្កើនសមាមាត្រនៃការចូលរួមរបស់ស្ដ្រីក្នុងស្ថាប័នជាតិ ពង្រឹងឱកាសការងារ និងការពារសិទ្ធិធ្វើការងាររបស់ស្រ្តី ព្រមទាំងបន្តដំឡើងតួនាទីរបស់ស្រ្តីក្នុងការធ្វើសេចក្ដីសម្រេចចិត្តនៅគ្រប់កម្រិត ដោយមានសមាគមកាយឫទ្ធិនារីជាយន្តការចម្បង៕
វិមានសន្តិភាព ព្រឹកថ្ងៃទី២៦ ខែតុលា ឆ្នាំ២០២៣ លោក កៃនុម៉ា យ៉ូស៊ីហ៊ីសា អគ្គនាយកក្រុមហ៊ុន Minebea បានជម្រាបពីការរីកចម្រើនរបស់ក្រុមហ៊ុន Minebea និងគោលដៅប្រែក្លាយខ្លួនទៅជាក្រុមហ៊ុនបៃតង(Green Transformation GX) តាមរយៈការកាត់បន្ថយការបំភាយឧស្ម័នកាបូនិច ជំរុញលក់ផលិតផលបៃតង និងផលិតផលដែលសន្សំសំចៃថាមពល ព្រមទាំងផែនការអនាគតក្នុងបង្កើតកសិដ្ឋានផលិតថាមពលដោយពន្លឺព្រះអាទិត្យ និងការបង្កើតរោងចក្រថ្មីនៅក្នុងប្រទេសកម្ពុជាផងដែរ ដែលសម្ដេចមហាបវរធិបតី ហ៊ុន ម៉ាណែត បានអបអរសាទរ និងគាំទ្រលើកទឹកចិត្តលើគំនិតទាំងនេះ៕
Focus
(...) ក្នុងរយៈពេលជាង១៥ ឆ្នាំនេះ អត្រានៃភាពក្រីក្រដែលកាលពីឆ្នាំ២០០៧ មានជាង ៤៧ភាគរយ មកដល់ឆ្នាំ២០១៧ ត្រូវបានកាត់បន្ថយនៅក្រោម ១០ភាគរយ។ ប៉ុន្តែបាតុភាពនៃកូវីដ១៩ បាន(ធ្វើអោយអត្រាភាពក្រីក្រ)កើនឡើងដល់ជាង ១៧ភាគរយ។ ទិន្នន័យនេះបញ្ជាក់ថា ទោះបីជាប្រជាពលរដ្ឋជាច្រើនមានការរីកចម្រើន ប្រែក្លាយពីជីវភាពក្រីក្រទៅជីវភាពមធ្យម និងប្រជាពលរដ្ឋខ្លះមានលទ្ធភាពឈានទៅដល់ជីវភាពកម្រិតខ្ពស់ក៏ដោយ (...) ត្រូវទទួលស្គាល់ថា ប្រជាពលរដ្ឋក្រីក្រនៅតែមាន (...)
(...) មូលហេតុអីបានជាត្រូវធ្វើស្ថាបនូបនីយកម្មប្រព័ន្ធគាំពារសង្គម? (...) កន្លងទៅ យើងបានធ្វើអន្តរាគមន៍ជាច្រើន ដែលក្នុងកន្លែងខ្លះមានរូបភាពដាច់ដោយដុំៗ ដោយសារជាការឆ្លើយតបទៅនឹងស្ថានភាពប្រែប្រួល ដែលទាមទារការដោះស្រាយជាបន្ទាន់។ ពេលខ្លះយើងមិនមានផែនការ (...) ការរៀបចំប្រព័ន្ធគាំពារសង្គមនេះ ជាការចាំបាច់ដើម្បីធានាប្រសិទ្ធភាព ធានាត្រៀមលក្ខណៈរយៈពេលវែង សំរាប់ការដឹកនាំដោះស្រាយបញ្ហាជាយថាហេតុផ្សេងៗ (មានភាព)ជាប្រព័ន្ធមួយ ត្រៀមទុកមុន ធានាភាពធន់ បរិយាបន្ន និងមានការគ្របដណ្ដប់បានច្រើន (...)
(...) មូលហេតុអីបានជាត្រូវធ្វើស្ថាបនូបនីយកម្មប្រព័ន្ធគាំពារសង្គម? (...) កន្លងទៅ យើងបានធ្វើអន្តរាគមន៍ជាច្រើន ដែលក្នុងកន្លែងខ្លះមានរូបភាពដាច់ដោយដុំៗ ដោយសារជាការឆ្លើយតបទៅនឹងស្ថានភាពប្រែប្រួល ដែលទាមទារការដោះស្រាយជាបន្ទាន់។ ពេលខ្លះយើងមិនមានផែនការ (...) ការរៀបចំប្រព័ន្ធគាំពារសង្គមនេះ ជាការចាំបាច់ដើម្បីធានាប្រសិទ្ធភាព ធានាត្រៀមលក្ខណៈរយៈពេលវែង សំរាប់ការដឹកនាំដោះស្រាយបញ្ហាជាយថាហេតុផ្សេងៗ (មានភាព)ជាប្រព័ន្ធមួយ ត្រៀមទុកមុន ធានាភាពធន់ បរិយាបន្ន និងមានការគ្របដណ្ដប់បានច្រើន (...)
សេចក្តីសម្រេចរបស់រាជរដ្ឋាភិបាល
សេចក្តីប្រកាសព័ត៌មាន
កម្មវិធីការងារ
០២ ធ្នូ ២០២៣ – អញ្ជើញជាអធិបតីពិធីបុណ្យសមុទ្យលើកទី១០ ជុំទី៣ ខេត្តកែប។
០១ ធ្នូ ២០២៣ – អញ្ជើញប្រជុំគណៈរដ្ឋមន្រ្តី។
៣០ វិច្ឆិកា ២០២៣ – អញ្ជើញជាអធិបតីពិធីបិទស្ទឹងបើកការដ្ឋានសាងសង់ទំនប់វារីអគ្គិសនីស្ទឹងតាតៃលើ ស្រុកថ្មបាំង ខេត្តកោះកុង។
សុន្ទរកថា/សង្កថា/សេចក្តីអធិប្បាយ
ដើម្បីប្រជាជន
សារដ្ឋានវីដេអូ
វីដេអូសង្ខេបស្តីពីប្រសាសន៍សម្តេចធិបតី ហ៊ុន ម៉ាណែត ថ្លែងក្នុងមហាសន្និបាតអង្គការសហប្រជាជាតិលើកទី៧៨ ថ្ងៃទី២៣ ខែកញ្ញា ឆ្នាំ២០២៣ ។
វីដេអូសង្ខេបស្តីពីបេសកកម្មរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធ នៅទីក្រុងហ្សាការតា នៃសាធារណរដ្ឋឥណ្ឌូនេស៊ី ចាប់ពីថ្ងៃទី៤ ដល់ ថ្ងៃទី៧ ខែកញ្ញា ឆ្នាំ២០២៣ ។
សុន្ទរកថាទាំងស្រុងរបស់ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងកិច្ចប្រជុំរដ្ឋសភា នីតិកាលទី៧ នៃថ្ងៃទី២២ ខែសីហា ឆ្នាំ២០២៣។
ការបោះពុម្ព ...
កូនប្រុសច្បងដ៏មានឥទ្ធិពល
ពៅ សុខ, បោះពុម្ពខែវិច្ឆិកា ឆ្នាំ២០២២
ខ្លឹមសារក្នុងសៀវភៅ មិនត្រឹមតែបង្ហាញឲ្យឃើញពីចរិតលក្ខណៈនិងគុណវុឌ្ឍិពិសេសរបស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ប៉ុណ្ណោះទេ ប៉ុន្តែថែមទាំងបង្ហាញពីជំហររបស់ឯកឧត្តមកិត្តិទេសាភិបាលបណ្ឌិត នៅក្នុង “សមរភូមិនយោបាយ,” សមិទ្ធិផលសំខាន់ៗ ជាពិសេស ការប្រយុទ្ធប្រឆាំងនឹងជំងឺកូវីដ-១៩, កំណែទម្រង់យោធាស៊ីជម្រៅរបស់កម្ពុជា, ទំនាក់ទំនងអន្តរជាតិ និងសកម្មភាពក្នុងការងារមនុស្សធម៌ ជាដើម។
កូនប្រុសច្បងនាយករដ្ឋមន្រ្តី – ដំណើរឆ្ពោះទៅបន្តវេន – ហ៊ុន ម៉ាណែត, ឆាយ សុផល, កក្កដា ឆ្នាំ២០២២
សៀវភៅនេះផ្ដោតជាសំខាន់លើជីវិតក្រុមគ្រួសារ រឿងរ៉ាវពីកុមារភាព និងចរិតរបស់ ឯកឧត្ដម កិត្តិទេសាភិបាលបណ្ឌិត ហ៊ុន ម៉ាណែត រួមទាំងព្រឹត្តិការណ៍ជាប្រវត្តិសាស្រ្តមួយចំនួន ដែលបានកើតកន្លងមកនៅកម្ពុជា ជាពិសេសក្រោយពេលដែលឯកឧត្ដម ត្រូវបានគណបក្សប្រជាជនកម្ពុជា ជ្រើសរើសជាបេក្ខជននាយករដ្ឋមន្រ្តី បន្ទាប់ពីសម្តេចតេជោ ហ៊ុន សែន, ជាឪពុក។