សម្តេចបរវធិបតី ហ៊ុន ម៉ាណែត សម្រេចស្ថាបនាផ្លូវក្រាលកៅស៊ូប្រវែងជិត៩គីឡូម៉ែត្រ និងផ្លូវបេតុងប្រវែង១,៥គីឡូម៉ែត្រ ភ្ជាប់ពីផ្លូវបេតុងចាស់ ទៅដល់តំបន់អភិរក្សជលផលកំពង់ភ្លុក ខេត្តសៀមរាប តាមសំណើរបស់ពលរដ្ឋ

ប្រជាជន

FN៖ សម្តេចបរវធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសម្រេចស្ថាបនាផ្លូវក្រាលកៅស៊ូប្រវែង៨គីឡូម៉ែត្រ និង៨៥០ម៉េត្រ និងផ្លូវបេតុងប្រវែង១,៥គីឡូម៉ែត្រ ដែលតភ្ជាប់ពីផ្លូវបេតុងចាស់ រហូតទៅដល់តំបន់ អភិរក្សជលផលកំពង់ភ្លុក ស្ថិតក្នុងឃុំកំពង់ភ្លុក ស្រុកប្រាសាទបាគង ខេត្តសៀមរាប។ ការសម្រេចផ្តល់ផ្លូវកៅស៊ូ និងផ្លូវបេតុងនេះ បានធ្វើឡើងតាមសំណើរបស់ប្រជាពលរដ្ឋ បន្ទាប់ពីសម្តេចបានលួចឆ្មក់ចុះទៅតំបន់អភិរក្សជលផលកំពង់ភ្លុក និងឆ្លៀតចុះសួរទុក្ខប្រជាពលរដ្ឋដែលរស់នៅតាមមូលដ្ឋាននាពេលថ្មីៗនេះ។ ការលបឆ្មក់ចុះទៅតំបន់អភិរក្សជលផលកំពង់ភ្លុកនេះ មិនមានថ្នាក់ដឹកនាំខេត្ត ឬមន្ត្រីជាន់ខ្ពស់ណាម្នាក់បានដឹងនោះទេ។ ភ្លាមៗបន្ទាប់ពីឯកភាពតាមសំណើស្នើសុំរបស់ប្រជាពលរដ្ឋ សម្តេចបវរធិបតី ហ៊ុន ម៉ាណែត បានទូរស័ព្ទដោយផ្ទាល់ទៅអ្នកឧកញ៉ាបណ្ឌិត សៀង ណាំ តំណាងរាស្ត្រមណ្ឌលសៀមរាប និងជាប្រធានកងវិស្វកម្ម សម្តេចតេជោ ហ៊ុន សែន ប្រចាំខេត្តសៀមរាប ដើម្បីចុះមកពិនិត្យ និងសិក្សាស្ថាបនាផ្លូវក្រាលកៅស៊ូ និងចាក់ផ្លូវបេតុងភ្ជាប់ជាមួយផ្លូវបេតុងចាស់នេះតែម្តង។ ក្រោយទទួលបានបទបញ្ជារបស់សម្តេចបវរធិបតី ហ៊ុន ម៉ាណែត អ្នកឧកញ៉ាបណ្ឌិត សៀង ណាំ នៅថ្ងៃទី០៣ ខែធ្នូ ឆ្នាំ២០២៤នេះ បានប្រញាប់រួតរះដឹកនាំក្រុមការងារចុះដល់ទីតាំងផ្លូវខាងលើ ដើម្បីពិនិត្យ និងសិក្សាធ្វើយ៉ាងស្ថាបនាផ្លូវនេះឱ្យបានឆាប់រួចរាល់ តាមការស្នើសុំរបស់ប្រជាពលរដ្ឋដោយផ្ទាល់ជាមួយសម្តេចបវរធិបតី នាយករដ្ឋមន្ត្រី៕

សម្តេចធិបតី​ ហ៊ុន ម៉ាណែត ប្រកាសផ្តល់ផ្លូវកៅស៊ូ១ខ្សែ និងសម្ភារប្រើប្រាស់មួយចំនួនទៀត​ដល់​សហគមន៍​ទេសចរណ៍ធម្មជាតិកំពង់ភ្លុក

ប្រជាជន

FN ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសផ្តល់​ផ្លូវ​កៅស៊ូ​មួយ​ខ្សែដែ​ល​មាន​ប្រវែង ៨គីឡូវម៉ែត្រ និងសម្ភារប្រើប្រាស់មួយចំនួនទៀត ដល់សហគមន៍​ទេសចរណ៍​ធម្មជាតិ​កំព​ង់​ភ្លុក​ ដែលស្ថិត នៅស្រុកប្រាសាទបាគង ខេត្តសៀមរាប។ តាមរយៈតេលេក្រាម និងហ្វេសបុកនាព្រឹកថ្ងៃទី២ ខែធ្នូ ឆ្នាំ២០២៤នេះ សម្តេចធិបតី ហ៊ុន ម៉ាណែត បានលើកឡើង​ថា​បន្ទាប់​ពី​សម្តេច​បាន​ចូលរួម​កម្ម​វិធី​រត់​ប្រណាំង​អន្តរជាតិ​ពាក់​កណ្ដាល​ម៉ារ៉ា​តុង​អង្គរវត្តលើកទី២៩ សម្តេចបានឆ្លៀតឱកាសចុះមកពិនិត្យស្ថានភាព និងទស្សនា​សហគមន៍​ទេសចរណ៍ធម្មជាតិកំពង់ភ្លុក ស្រុកប្រាសាទបាគង ខេត្តសៀមរាប។ សម្តេចបាន​លើក​ឡើង​ថា សហគមន៍ទេសចរណ៍ធម្មជាតិកំពង់ភ្លុក ជាទីកន្លែងផ្តល់​នូវ​ទស្សនីយភាព​បែប​ធម្មជាតិ​នៃ​ការ​រស់នៅរបស់បងប្អូនប្រជាជនខ្មែរតាមបែបបទអ្នកទន្លេ និងសម្រស់ធម្មជាតិ​សម្បូរ​បែប​របស់​បឹង​ទន្លេសាបផងដែរ។ នៅក្នុងឱកាសនោះដែរ សម្តេចធិបតី ហ៊ុន ម៉ាណែត បានលើកឡើងផងដែរថា បន្ទាប់​ពី​បាន​ទស្សនកិច្ច និងជួបសំណេះសំណាលផ្ទាល់ជាមួយសហគមន៍ ពិសេសអ្នក​ប្រកបរបរ​ជា​អ្នក​បើក​បរ​កាណូត និងអុំទូកបម្រើសេវាជូនអ្នកទេសចរ សម្តេចទទួលបាននូវសំណូមពរមួយចំនួន ហើយ​សម្រេច​ផ្តល់​ជាដំណោះស្រាយជូនបងប្អូនប្រជាពលរដ្ឋដែលកំពុងរស់នៅទីនោះមួយចំនួនផងដែរ ដោយសម្តេចបានឲ្យ ដឹងថា ទី១. កសាងផ្លូវកៅស៊ូ ៨គីឡូម៉ែត្រ លើផ្លូវក្រាល​គ្រួស​ក្រហម​ដែល​មាន​ស្រាប់​ដើម្បី​ផ្តល់ភាពងាយស្រួលក្នុងការធ្វើដំណើរ និងកាត់បន្ថយការហុយ។ ទី២.កសាងបញ្ជរលក់សំបុត្រថ្មីរបស់សហគមន៍ ដែលនឹងជួយអោយ​សហគមន៍​មិន​ចាំបា​ច់​ជួល​ដី​ដើម្បី​លក់​សំបុត្រ​ដូចបច្ចុប្បន និងទី៣.ផ្តល់បន្ថែមនូវធុងសំរាមក្នុងសហគមន៍ ដើម្បីថែរក្សា​អនាម័យ និងបរិស្ថាន នៅក្នុងតំបន់។ បន្ទាប់ពីមើលឃើញទិដ្ឋភាពជាក់ស្តែងនៅសហគមន៍ទេសចរណ៍ធម្មជាតិកំពង់ភ្លុកនេះដែរ សម្តេច​ធិបតី ក៏បានថ្លែងកោតសរសើរចំពោះបងប្អូនប្រជាពលរដ្ឋនៅកំពុងភ្លុក…

ព្រះមហាក្សត្រចេញព្រះរាជក្រឹត្យ បង្កើតគណៈកម្មាធិការជាតិដឹកនាំអនុវត្ត កម្មវិធីផ្តល់ដីការពារព្រៃដើម្បីរួមគ្នាអភិវឌ្ឍដោយចីរភាព

ប្រជាជន

FN៖ ព្រះមហាក្សត្រនៃកម្ពុជា ព្រះករុណា ព្រះបាទសម្តេច ព្រះបរមនាថ នរោត្តម សីហមុនី បានចេញព្រះរាជក្រឹត្យ ស្តីពី ការបង្កើតគណៈកម្មាធិការជាតិដឹកនាំអនុវត្ត កម្មវិធីផ្តល់ដី ការពារព្រៃដើម្បីរួមគ្នាអភិវឌ្ឍដោយចីរភាព។ គណៈកម្មាធិការជាតិដឹកនាំអនុវត្ត កម្មវិធីផ្តល់ដី ការពារព្រៃដើម្បីរួមគ្នាអភិវឌ្ឍដោយចីរភាព មាននាយករដ្ឋមន្ត្រីជាប្រធាន និងមានអនុប្រធាន ព្រមទាំងសមាជិកជាច្រើននាក់ទៀត ដែលពីក្រសួងស្ថាប័នពាក់ព័ន្ធនានា៕

សម្តេចបវរធិបតី៖ ការកសាងហេដ្ឋារចនាសម្ព័ន្ធសម្ព័ន្ធផ្លូវ-ស្ពានជាកិច្ចការសំខាន់របស់រាជរដ្ឋាភិបាលគ្រប់អាណត្តិ ព្រោះជាមូលដ្ឋានធានាដល់កំណើនសេដ្ឋកិច្ច

ប្រជាជន

នាព្រឹក ថ្ងៃទី១១ ខែវិច្ឆិកា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញសម្ពោធដាក់ឱ្យប្រើប្រាស់ជាផ្លូវការ វិថីតេជោសន្តិភាពឆ្នេរអង្កោលប្រវែងសរុប ១២ ៦៤៥ ម៉ែត្រ ក្រោមកម្ចីឥណទានសម្បទានពីធនាគារអភិវឌ្ឍន៍អាស៊ី។ វិថីតេជោសន្តិភាពឆ្នេរអង្កោលនេះ គឺជាខ្សែផ្លូវទេសចរណ៍ ប្របមាត់សមុទ្ររបស់ខេត្តកែប ដែលបាន និងកំពុងដើរតួនាទីជួយសម្រួលដល់ចរាចរណ៍ ដឹកជញ្ជូន និងការធ្វើដំណើរផ្សេងៗរបស់បងប្អូនប្រជាពលរដ្ឋរស់នៅក្នុងតំបន់ប្រមាណជាង ៦ ០០០ គ្រួសារ។ វិថីនេះ ក៏ជាខ្សែផ្លូវ តភ្ជាប់ពីក្រុងកែបទៅកាន់តំបន់សហគមន៍ទេសចរណ៍ និងនេសាទនៅក្នុងឃុំអង្កោល និងលាតសន្ធឹងឆ្លងកាត់តំបន់កសិកម្ម, តំបន់ស្រែអំបិល, តំបន់ព្រៃកោងកាង និងតភ្ជាប់ជាមួយផ្លូវខេត្ត ក្នុងទិសដៅទៅមក រវាងស្រុកដំណាក់ចង្អើរ និងច្រកលក ខេត្តកំពត រួមទាំងតភ្ជាប់ជាមួយហេដ្ឋារចនាសម្ព័ន្ធខ្សែផ្លូវមួយចំនួននៅក្នុងភូមិសាស្រ្តខេត្តកែប ដើម្បីភ្ជាប់ទៅកាន់តំបន់ទីប្រជុំជន តំបន់ភូមិឋាន និងតំបន់ផ្សេងៗទៀត នៅក្នុងខេត្ត។ សម្តេចបវរធិបតីនាយករដ្ឋមន្រ្តី បានយកឱកាសនេះ កោតសរសើរ និងវាយតម្លៃខ្ពស់ ចំពោះក្រសួងសាធារណការ និងដឹកជញ្ជូន ក្នុងនាមជាសេនាធិការរបស់រាជរដ្ឋាភិបាល ដែលបានខិតខំប្រឹងប្រែង និងយកចិត្តទុកដាក់ខ្ពស់ ក្នុងការអភិវឌ្ឍហេដ្ឋារចនាសម្ព័ន្ធផ្លូវ-ស្ពាន ជាបន្តបន្ទាប់ ស្របតាមកម្មវិធីនយោបាយ និងយុទ្ធសាស្ត្របញ្ចកោណ-ដំណាក់កាលទី១…

សម្តេចបវរធិបតី ហ៊ុន ម៉ាណែត ផ្តល់អនុសាសន៍ ៨ចំណុច ក្នុងគោលបំណងលុបបំបាត់ បញ្ហាអាហារូបត្ថម្ភគ្រប់ទម្រង់ ឱ្យមានប្រសិទ្ធភាព

ប្រជាជន

FN៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា តាមរយៈសារលិខិតអបអរសាទរ ទិវាជាតិអាហារូបត្ថម្ភ លើកទី១១ បានផ្តល់អនុសាសន៍ ចំនួន ៨ចំណុច ក្នុងគោលបំណងលុបបំបាត់ បញ្ហាអាហារូបត្ថម្ភគ្រប់ទម្រង់ ឱ្យមានប្រសិទ្ធភាព។ ក្នុងសារលិខិតនោះបានឲ្យដឹងថា ក្នុងឱកាសដ៏ប្រពៃនៃការប្រារព្ធ ទិវាជាតិអាហារូបត្ថម្ភ លើកទី១១ ឆ្នាំ២០២៤នេះ ក្រោមប្រធានបទ «អាហារូបត្ថម្ភដើម្បីការលូតលាស់ និងកំណើន» និងក្នុងគោលបំណងលុបបំបាត់ បញ្ហាអាហារូបត្ថម្ភគ្រប់ទម្រង់ឱ្យមានប្រសិទ្ធភាព រាជរដ្ឋាភិបាល បានផ្តល់នូវអនុសាសន៍ដូចតទៅ៖ ១. ក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ដែលជាប្រធានក្រុមការងារបច្ចេកទេស ចម្រុះលើវិស័យសន្តិសុខស្បៀង និងអាហារូបត្ថម្ភ ត្រូវបន្តសម្របសម្រួលជាមួយក្រសួង ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ ដៃគូអភិវឌ្ឍ អង្គការសង្គមស៊ីវិល វិស័យឯកជន និងតួអង្គពាក់ព័ន្ធដទៃទៀត រៀបចំ និងអនុវត្តយុទ្ធសាស្ត្រជាតិ ស្តីពីសន្តិសុខស្បៀង និងអាហារូបត្ថម្ភ លើកទី៣ ឆ្នាំ២០២៤-២០២៨ និងធ្វើបច្ចុប្បន្នភាពផែនទីបង្ហាញផ្លូវ ស្តីពីប្រព័ន្ធស្បៀងសម្រាប់ការអភិវឌ្ឍប្រកបដោយចីរភាព នៅកម្ពុជា ឆ្នាំ២០៣០ ដើម្បីឆ្លើយតប ទៅនឹងការប្រែប្រួលអាកាសធាតុ និងបញ្ហាប្រឈមជាសកលនានា ដែលកើតមានឡើង។ ២. ក្រសួងកសិកម្ម រុក្ខាប្រមាញ់ និងនេសាទ…

អភិបាលខេត្តយូណាន សន្យាផ្តល់អាហារូបករណ៍កាន់តែច្រើនដល់និស្សិតកម្ពុជា និងជំរុញទេសចរចិនទៅកម្ពុជាបន្ថែមទៀត

ប្រជាជន

FN ៖ នាល្ងាចថ្ងៃទី៥ ខែវិច្ឆិកា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអនុញ្ញាតឱ្យលោក វ៉ាង យូបូ (Wang Yubo) អភិបាលខេត្តយូណាន ប្រទេសចិន ចូលជួបសម្តែងការគួរសម និងពិភាក្សាការងារ នាឱកាសសម្តេចអញ្ជើញចូលរួមកិច្ចប្រជុំកំពូលមហាអនុតំបន់មេគង្គ (GMS) លើកទី៨, កិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ (ACMECS) លើកទី១០ និងកិច្ចប្រជុំកំពូលកិច្ចសហប្រតិបត្តិការកម្ពុជា-ឡាវ-មីយ៉ានម៉ា-វៀតណាម (CLMV) លើកទី១១ ពីថ្ងៃទី៦-៧ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្តយូណាន ប្រទេសចិន។ ក្នុងឱកាសនៃជំនួបនោះ លោកអភិបាលខេត្តយូណាន បានស្វាគមន៍យ៉ាងកក់ក្ដៅចំពោះវត្តមាន​សម្ដេច​បវរ​ធិបតី ដែលអញ្ជើញចូលរួមកិច្ចប្រជុំ GMS នៅទីក្រុងគុនមិញ នាឱកាសនេះ និងបានសម្ដែងសេចក្ដីរីករាយ ដែលបានជួបសម្ដេចបវរធិបតីម្ដងទៀត បន្ទាប់ពីបានជួបជាមួយសម្ដេចបវរធិបតី ក្នុងឱកាសនៃពិធីសម្ពោធដាក់ឱ្យប្រើប្រាស់ជាផ្លូវការនូវអាកាសយានដ្ឋានអន្តរជាតិសៀមរាប-អង្គរ កាលពីចុងឆ្នាំ២០២៣ ព្រមទាំងបានគោរពជម្រាបជូនសម្ដេចបវរធិបតី អំពីការវិវឌ្ឍន៍ និងសក្តានុពលរបស់ខេត្តយូណានផងដែរ។ លោកអភិបាលខេត្តបានកត់សម្គាល់ថា កិច្ចសហប្រតិបត្តិការរវាងខេត្តយូណាន និងប្រទេសកម្ពុជា មានការរីកចម្រើន ជាពិសេសតាមរយៈការផ្លាស់ប្ដូរដំណើរទស្សនកិច្ច វិស័យពាណិជ្ជកម្ម និងការ​ផ្លាស់​ប្តូររវាងប្រជាជន…

ផលិតផល​កម្ពុជាចំនួន ៣មុខដែលវេចខ្ចប់ដាក់​ម៉ាក់សញ្ញា និងភាសាខ្មែរនៅលើសំបកវេចខ្ចប់ ​នឹងត្រូវនាំចូលទៅទីផ្សារ​អឺរ៉ុបនៅសប្តាហ៍ក្រោយ

ប្រជាជន

FN ៖ ផលិតផល​កម្ពុជាចំនួន ៣មុខ រួមមាន អង្ករ គ្រាប់ស្វាយចន្ទី និងតំណាប់ស្វាយកែវរមៀត ដែលបានកែច្នៃ និងវេចខ្ចប់ស្របតាមគុណភាពខ្ពស់ និងប្រើប្រាស់ភាសាខ្មែរ នៅលើសំបកវេចខ្ចប់​ នឹងនាំចូលទៅទីផ្សារ​អឺរ៉ុប នៅថ្ងៃចន្ទសប្តាហ៍ក្រោយនេះ។ ការនាំចូលផលិតផល​កម្ពុជាចំនួន ៣មុខ​ ដែលវេចខ្ចប់ដាក់ម៉ាក់សញ្ញាកម្ពុជា ​ទៅទីផ្សារ​អឺរ៉ុប ធ្វើឡើងបន្ទាប់ពី ក្រុមហ៊ុន Tropicam Fruit and Vegetable Co., Ltd. របស់អ្នកឧកញ៉ា ហ៊ុន ឡាក់ បានចុះអនុស្សារណៈយោគយល់គ្នា ជាមួយក្រុមហ៊ុន Smarteden កាលពីថ្ងៃទី១៧ ខែតុលា ឆ្នាំ២០២៤ នៅទីស្តីការក្រសួងពាណិជ្ជកម្ម ក្រោមវត្តមានលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម។ ​ ​អ្នកឧកញ៉ា ហ៊ុន ឡាក់ ប្រធានក្រុមហ៊ុន Tropicam Fruit and Vegetable បានប្រាប់បណ្តាញព័ត៌មាន Fresh News ថា ក្នុងដំណាក់កាលដំបូង ផលិតផល២ ប្រភេទ…

ក្នុងកិច្ចប្រជុំអាស៊ាននៅឡាវ សម្ដេចបវរធិបតី ហ៊ុន ម៉ាណែត ឆ្លៀតជួបជជែកពិភាក្សា ជាមួយប្រទេសដទៃ ដើម្បីជំរុញការនាំចេញអង្ករ

ប្រជាជន

FN​ ៖ សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា​ បានថ្លែងថា ក្នុងកិច្ចប្រជុំអាស៊ាន នៅប្រទេសឡាវ កន្លងទៅថ្មីៗនេះ សម្ដេចបានឆ្លៀតជួបជជែកពិភាក្សា ជាមួយបណ្ដាប្រទេសដទៃ ដើម្បីជំរុញការនាំចេញអង្ករ។ សម្ដេចបវរធិបតី ហ៊ុន ម៉ាណែត ថ្លែងបែបនេះ ក្នុងឱកាសអញ្ជើញជាអធិបតី អបអរសាទរខួប២០ឆ្នាំ នៃកម្ពុជាចូលជាសមាជិកអង្គការពាណិជ្ជកម្មពិភពលោក (WTO) នៅព្រឹកថ្ងៃទី១៤ ខែតុលា ឆ្នាំ២០២៤។ «សូម្បីតែទៅប្រជុំអាស៊ាននេះ ក៏ឆ្លៀតចរចា នាំអង្ករ នាំស្រូវជាមួយហ្វីលីពីន ជាមួយអី (ប្រទេសផ្សេង) […] ដើម្បីយើងបើកច្រក ព្រោះការចរចាម្តងៗ មិនមែនស្រួលទេ ចរចាហើយ មិនមែនបានត្រឹមតែ​ឯកភាពគ្នាទេ ទៅតាមដានដើម្បីអនុវត្ត»។ បើតាមប្រសាសន៍សម្ដេចបវរធិបតី ហ៊ុន ម៉ាណែត ប្រមុខរដ្ឋបើកច្រកថ្នាក់នយោបាយ រីឯថ្នាក់ក្រសួងជាអ្នកចរចា ខណៈអ្នកផលិតជាក់ស្ដែងជាកសិករ។ ហេតុដូច្នេះហើយ សម្ដេចបវរធិបតី ជំរុញអ្នកផលិតត្រូវពង្រីកសមត្ថភាពខ្លួន ដើម្បីបំពេញតាមស្ដងដាររបស់អ្នកមានតម្រូវការ មិនមែនរំពឹងចាំការអនុគ្រោះពីគេឡើយ។ យោងតាមរបាយការណ៍សហព័ន្ធស្រូវអង្ករកម្ពុជា ក្នុងរយៈពេល ៨ខែ ឆ្នាំ២០២៤នេះ កម្ពុជាបាននាំចេញអង្ករបានចំនួន ៤១២ ០២៣…

ការធ្វើពាណិជ្ជកម្មរបស់កម្ពុជាជាមួយទីផ្សារអន្តរជាតិសម្រេចបានទឹកប្រាក់ជាង ៤០ពាន់លានដុល្លារនៅរយៈពេល៩ខែឆ្នាំ២០២៤ កើនឡើងជាង១៦%

ប្រជាជន

FN៖ នៅរយៈពេល៩ខែដើមឆ្នាំ២០២៤នេះ ការធ្វើពាណិជ្ជកម្មរវាងកម្ពុជា ជាមួយបណ្តាប្រទេសជាដៃគូពាណិជ្ជកម្ម មានទំហំជាង ៤០ពាន់លានដុល្លារ កើនឡើង ១៦.៤% បើធៀបនឹងរយៈពេលដូចគ្នា កាលពីឆ្នាំ២០២៣។ នេះបើយោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា។ យោងតាមទិន្នន័យដដែលនេះ កម្ពុជាបាននាំចេញទំនិញសំខាន់ៗ ប្រមាណជាង ១៩.៨ពាន់លានដុល្លារ កើនឡើង១៧% ខណៈការនាំចូលទំនិញមកវិញមានតម្លៃជាង ២១.១ពាន់លានដុល្លារកើនឡើង១៥.៩%។ ទំនិញសំខាន់ៗដែលកម្ពុជា បាននាំចេញច្រើនជាងគេ គឺសម្លៀកបំពាក់ គ្រាប់ធញ្ញជាតិ ម៉ាស៊ីន និងឧបករណ៍អគ្គិសនី បន្លែ ស្បែកជើង កៅស៊ូ ផ្លែឈើ និងគ្រឿងសង្ហារឹមជាដើម។ ប្រទេសដៃគូពាណិជ្ជកម្មចម្បងរបស់កម្ពុជារួមមាន ចិន អាមេរិក វៀតណាម ថៃ ជប៉ុន កាណាដា អេស្ប៉ាញ ឥណ្ឌូនេស៊ី និងអង់គ្លេស ជាដើម៕

រដ្ឋាភិបាលចិន ផ្តល់ជំនួយឥតសំណងប្រមាណ៣០០លានយ័ន ស្មើនឹងជាង៤២លានដុល្លារអាមេរិក ជំរុញការកសាងហេដ្ឋារចនាសម្ព័ន្ធនៅកម្ពុជា

ប្រជាជន

FN៖ ការប្រកាសផ្តល់ជំនួយនេះ ធ្វើឡើងក្នុងជំនួបប្រជុំទ្វេភាគីរវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ជាមួយលោក លី ឈាង នាយករដ្ឋមន្ត្រីចិន នាល្ងាចថ្ងៃទី១០ ខែតុលា ឆ្នាំ២០២៤ នៅរដ្ឋធានីវៀងចន្ទន៍ ប្រទេសឡាវ។ ក្នុងឱកាសនៃជំនួប លោកនាយករដ្ឋមន្រ្តី លី ឈាង បានសម្ដែងនូវការកោតសរសើរចំពោះការដឹកនាំរបស់សម្ដេចបវរធិបតី ដែលរក្សាបាននូវស្ថិរភាពនយោបាយ សន្តិសុខ និងធានាបាននូវកំណើនសេដ្ឋកិច្ចរឹងមាំជាមួយនឹងកិត្យានុភាពកម្ពុជាកាន់តែល្បីល្បាញនៅលើឆាកអន្តរជាតិ។ លោកនាយករដ្ឋមន្រ្តី បានគូសបញ្ជាក់ថា ប្រទេសចិន នឹងបន្តគាំទ្រដល់មាគ៌ាអភិវឌ្ឍស្របទៅតាមស្ថានភាពជាក់ស្តែងរបស់កម្ពុជា ហើយរដ្ឋាភិបាលចិននឹងបន្តលើកទឹកចិត្តវិនិយោគិនចិនមកកម្ពុជាបន្ថែមទៀត។ ពាក់ព័ន្ធនឹងការកសាងហេដ្ឋារចនាសម្ព័ន្ធ ភាគីចិនបន្តចូលរួម និងគាំទ្រកម្ពុជា ក្នុងការអភិវឌ្ឍហេដ្ឋារចនាសម្ព័ន្ធនៅកម្ពុជា ដោយផ្ដល់ជំនួយឥតសំណងបន្ថែមក្នុងទំហំ ៣០០លានយ័នដើម្បីឱ្យកម្ពុជាអាចសម្រេចបានតាមផែនការរបស់ខ្លួន។ បន្ថែមលើនេះលោកនាយករដ្ឋមន្រ្តី បានជម្រាបសម្តេចបវរធិបតីថា ភាគីចិននឹងធ្វើការឱ្យកាន់តែជិតស្និទ្ធថែមទៀតជាមួយកម្ពុជា ដើម្បីកសាងផែនការមេសម្រាប់ច្រករបៀងមច្ឆា និងអង្ករ, ច្រករបៀងឧស្សាហកម្ម និងបច្ចេកវិទ្យា ជាមួយនឹងការប្តេជ្ញាចិត្តជំរុញការនាំចូលផលិតផលកសិកម្មកម្ពុជាបន្ថែមទៀត មកកាន់ទីផ្សារចិន។ ជាការឆ្លើយតប សម្ដេចបវរធិបតីបានសម្ដែងនូវសេចក្ដីសោមនស្សរីករាយ ដែលបានជួបពិភាក្សាការងារជាមួយលោកនាយករដ្ឋមន្ត្រី និងបានថ្លែងអំណរគុណចំពោះរដ្ឋាភិបាល និងប្រជាជនចិនដែលតែងតែបន្តជួយដល់ការអភិវឌ្ឍសង្គម-សេដ្ឋកិច្ចកម្ពុជា និងបានថ្លែងអំណរគុណចំពោះការផ្តល់ជំនួយឥតសំណងលើការកសាងហេដ្ឋារចនាសម្ព័ន្ធនៅកម្ពុជា។ ថ្នាក់ដឹកនាំទាំងពីរ ក៏បានសម្ដែងនូវការពេញចិត្ត និងវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការដ៏ល្អរវាងប្រទេសទាំងពីរ ដែលសម្រេចបាននូវភាពជាដៃគូយុទ្ធសាស្ត្រគ្រប់ជ្រុងជ្រោយ ជាមិត្តដែកថែប…