កម្ពុជាសម្រេចបានទំហំពាណិជ្ជកម្ម ជាង៥៤ពាន់លានដុល្លារ កើនឡើងជិត១៧% ក្នុងឆ្នាំ២០២៤

ប្រជាជន

FN ៖ ក្នុងឆ្នាំ២០២៤ កម្ពុជាសម្រេចបានទំហំពាណិជ្ជកម្ម ជាង៥៤.៧៤ពាន់លានដុល្លារ កើនឡើង១៦.៩% បើធៀបនឹងកាលពីឆ្នាំ២០២៣ ដែលសម្រេចបានត្រឹមតែ ៤៦.៨២ពាន់លានដុល្លារ។ នេះបើយោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា។តាមទិន្នន័យដដែលនេះ បានបញ្ជាក់ថា រយៈពេលពេញមួយ ឆ្នាំ២០២៤នេះ កម្ពុជាបាននាំចេញទំនិញសំខាន់ៗ មានទំហំទឹកប្រាក់ប្រមាណជិត ២៦.១៩ពាន់លានដុល្លារ កើនឡើង១៥.៧% ខណៈការនាំចូលមានទឹកប្រាក់២៨.៥៤ពាន់លានដុល្លារ កើនឡើង១៨% បើធៀបនឹងរយៈពេលដូចគ្នា កាលពីឆ្នាំ២០២៣។ តាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា បានបញ្ជាក់ថា ទំនិញសំខាន់ៗ ដែលកម្ពុជា បាននាំចេញច្រើនជាងគេ រួមមាន៖ សម្លៀកបំពាក់ និងគ្រឿងបន្ទាប់បន្សំ ដែលធ្វើឡើងពីក្រណាត់, ផ្លែឈើ និងគ្រាប់ផ្លែឈើ ដែលអាចបរិភោគបាន, ម៉ាស៊ីន និងឧបករណ៍អគ្គិសនី, ស្បែកជើង, កៅស៊ូ និង ផលិតផលធ្វើអំពីកៅស៊ូ រួមនឹងទំនិញសំខាន់ៗផ្សេងទៀត។ ដៃគូពាណិជ្ជកម្មសំខាន់ៗរបស់កម្ពុជារួមមាន គឺចិន សហរដ្ឋអាមេរិក វៀតណាម ជប៉ុន ថៃ កាណាដា អង់គ្លេស អាល្លឺម៉ង់ អេស្ប៉ាញ ហូឡង់ បារាំង ហុងកុង…

ផលនេសាទត្រីប្រហុកកើនឡើង ១០%, រដ្ឋមន្ត្រីក្រសួងកសិកម្ម អំពាវនាវដល់ប្រជានេសាទបន្តអនុវត្តច្បាប់ជលផល សំដៅធានានិរន្តភាពត្រីក្នុងធម្មជាតិ

ប្រជាជន

FN ៖ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ឱ្យដឹងនៅថ្ងៃទី៩ ខែមករា ឆ្នាំ២០២៥នេះថា ផលនេសាទត្រីប្រហុកនៅឆ្នាំនេះ កើនឡើងប្រមាណ ១០%បើធៀបនឹងឆ្នាំមុន ខណៈលោកអំពាវនាវដល់ប្រជានេសាទបន្តអនុវត្តច្បាប់ជលផល សំដៅធានានិរន្តភាពត្រីក្នុងធម្មជាតិ។ ការបញ្ជាក់នេះធ្វើឡើងនាឱកាសដែលលោករដ្ឋមន្ត្រីរួមដំណើររបស់ លោក Wang Wenbin ឯកអគ្គរដ្ឋទូតចិន, ក្រុមសហភាពអឺរ៉ុប និងអង្គការស្បៀងនិងកសិកម្មនៃសហប្រជាជាតិ (FAO) ដែលបានចុះពិនិត្យការប្រមូលផលត្រីប្រហុក នៅដាយត្រីលេខ១៥ ស្ថិតក្នុងភូមិតាពៅ ឃុំកោះចិន ស្រុកពញាឮ ខេត្តកណ្តាល។ ក្នុងដំណើរចុះទស្សនកិច្ចនេះ លោក ឌិត ទីណា បានសម្តែងនូវការសាទរជាខ្លាំងចំពោះផលត្រីក្នុងឆ្នាំនេះ ដែលអនុញ្ញាតឲ្យប្រជាពលរដ្ឋអាចទិញត្រីធ្វើប្រហុកបានកាន់តែច្រើន ក្នុងតម្លៃធូរថ្លៃ។ លោករដ្ឋមន្ត្រីបានគូសបញ្ជាក់ថា ក្រសួងកំពុងបន្តតាមដានទិន្នផលត្រីក្នុងឆ្នាំនេះ ដែលការសន្និដ្ឋានបឋមបង្ហាញថា ផលត្រីមានការកើនឡើងជាងឆ្នាំមុនប្រមាណ ១០% ដោយសារការសហការចូលរួមគ្រប់ភាគីពាក់ព័ន្ធ ក្នុងការការបង្ក្រាបបទល្មើសនេសាទ ប្រកបដោយភាពម៉ឺងម៉ាត់ ច្បាស់លាស់ និងមានប្រសិទ្ធភាពខ្ពស់។ បើតាមរដ្ឋមន្ត្រីក្រសួងកសិកម្ម, សមិទ្ធផលនេះមិនមែនកើតឡើងដោយចៃដន្យទេ គឺជាកិច្ចខិតខំប្រឹងប្រែងក្នុងការគ្រប់គ្រង និងការដាក់ចេញនូវយុទ្ធសាស្រ្តការពារអភិរក្សធនធានជលផលបានត្រឹមត្រូវ ព្រមទាំងមានការចូលរួមអនុវត្តពីមន្រ្តីជំនាញជលផល កងកម្លាំងចម្រុះសហគមន៍នេសាទ និងបងប្អូនប្រជានេសាទផងដែរ។ លោករដ្ឋមន្ត្រីបានថ្លែងអំណរគុណដល់ដៃគូអភិវឌ្ឍនានា ដែលបានរួមចំណែកក្នុងការការពារធនធានជលផលក្នុងធម្មជាតិ…

បើកទំព័រដើមឆ្នាំថ្មី សម្តេចនាយករដ្ឋមន្ត្រី អនុញ្ញាតឱ្យប្រតិភូសហព័ន្ធ​ស្រូវអង្ករកម្ពុជា ជួបសម្តែងការគួរសម និងពិភាក្សាការងារ

ប្រជាជន

FN ៖ បើកទំព័រឆ្នាំថ្មី ឆ្នាំ២០២៥ នាព្រឹកថ្ងៃទី៨ ខែមករា នេះ សម្តេចមហា​បវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អនុញ្ញាតឱ្យ​ប្រតិភូសហព័ន្ធ​ស្រូវ​អង្ករកម្ពុជា ចូលជួបសម្តែងការគួរសម និងពិភាក្សាការងារ។ ក្រៅពីប្រតិភូសហព័ន្ធស្រូវអង្ករកម្ពុជាហើយនោះ ក្នុងជំនួបនេះ រដ្ឋមន្ត្រីពាក់ព័ន្ធក្នុងវិស័យស្រូវអង្ករ និងការធ្វើពាណិជ្ជកម្ម មានដូចជា លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ, លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម, លោក គង់ វិបុល រដ្ឋមន្ត្រីប្រតិភូអមនាយក​រដ្ឋមន្ត្រី និងជាអគ្គនាយកដ្ឋានពន្ធដារ, លោក គុណ ញឹម រដ្ឋមន្ត្រីប្រតិភូអម​នាយករដ្ឋមន្រ្តី អគ្គនាយក នៃអគ្គនាយកដ្ឋានគយ និងរដ្ឋាករកម្ពុជា។ ជំនួបនេះ នឹងពិភាក្សាជាពិសេសលើការវិនិយោគ ការធ្វើពាណិជ្ជកម្មស្រូវ និងអង្ករកម្ពុជា ដែលជាវិស័យដ៏មានសក្តានុពលមួយសម្រាប់សេដ្ឋកិច្ច ក៏ដូចជាប្រជាកសិកររបស់កម្ពុជា។ របាយការណ៍សហព័ន្ធស្រូវអង្ករកម្ពុជា បានឱ្យដឹងថា ក្នុងរយៈពេល ១១ខែ នៃឆ្នាំ២០២៤ កម្ពុជាបាននាំចេញអង្ករបានចំនួន ៥៧៥,៥៦២តោន ទទួល​បាន​ចំណូល ៤១៣លានដុល្លារអាមេរិក។…

សុន្ទរកថានិងសេចក្តីអធិប្បាយ សម្តេចមហាបវរធិបតី ហ៊ុន ម៉ាណែត ក្នុងព្រឹត្តិការណ៍បាល់ទាត់មិត្តភាពអបអរសាទរ«ទិវាសន្តិភាពនៅកម្ពុជា»

សង្កថា

ថ្ងៃនេះ ខ្ញុំពិតជាមានសេចក្តីសោមនស្សរីករាយក្រៃលែង ដែលបានចូលរួមជាអធិបតី ក្នុងព្រឹត្តិការណ៍បាល់ទាត់មិត្តភាពអបអរសាទរ «ទិវាសន្តិភាពនៅកម្ពុជា ២៩ ធ្នូ» ដែលនេះជាលើកដំបូង ដែលយើងបានជួបជុំគ្នា ប្រារព្ធពិធីនេះឡើង បន្ទាប់ពីរាជរដ្ឋាភិបាលសម្រេច កាលពីខែមករា ឆ្នាំ២០២៤​ កន្លងទៅ ដោយកំណត់ជាផ្លូវការ យកថ្ងៃ ២៩ ខែធ្នូ រៀងរាល់ឆ្នាំ ជា «ទិវាសន្តិភាពនៅកម្ពុជា»។ ខ្ញុំពិតជាមានសេចក្តីរំភើបដោយបានឃើញ វត្តមានចូលរួម​យ៉ាងច្រើន​កុះករ ពីសំណាក់បងប្អូនជនរួមជាតិទាំងអស់ជាទស្សនិកជន ក៏ដូចជា ក្រុមកីឡាករ​ទាំងបួនក្រុម ដែលជាតំណាងចូលរួមពីគ្រប់វិស័យ ដោយមានទាំង ក្រុមយុវជន ស ស យ ក, ក្រុម-បាល់ទាត់តារាកម្ពុជា, និងក្រុមបាល់ទាត់គុនខ្មែរ ដែលបានឆ្លុះ​បញ្ចាំងយ៉ាងប្រត្យក្សឱ្យឃើញពីស្មារតីស្រឡាញ់​កីឡា និងការចូលរួមថែរក្សាសន្តិភាព ​នេះគឺបានរំលេចនូវអត្ថន័យ «កីឡារស់នៅក្រោមសន្តិភាព»។ បរិយាកាសដ៏អធិកអធម ជាមួយនឹងស្នាមញញឹមរបស់បងប្អូនជនរួមជាតិយើង​ទាំងអស់    នៅក្នុងពហុកីឡដ្ឋានមរតកតេជោនាឱកាសនេះ បានទាញអារម្មណ៍ខ្ញុំ ឱ្យត្រឡប់​ទៅរក​អនុស្សាវរីយ៍​ដែលមិនអាចបំភ្លេចបាន នៅពេលដែលយើង បានរៀបចំការប្រកួតកីឡាស៊ីហ្គេម និង​ប៉ារ៉ាហ្គេម ក្នុងឆ្នាំ២០២៣ ទទួលបានជោគជ័យជាមហិមា និងការកោតសរសើរ​ស្ញប់ស្ញែងពី​គ្រប់មជ្ឈដ្ឋានជាតិ និងអន្តរជាតិ។ ពិតណាស់ថា, ជោគជ័យរបស់​កម្ពុជាក្នុង​ព្រឹត្តិការណ៍​កីឡាទាំងនេះ ពុំមែនកើតឡើងដោយចៃដន្យនោះទេ ប៉ុន្តែគឺអាស្រ័យ…

សុន្ទរកថា និងសេចក្ដីអធិប្បាយ សម្ដេចមហាបវរធិបតី ហ៊ុន ម៉ាណែត ប្រគល់វិញ្ញាបនបត្រ និងសញ្ញាបត្រ ជូនដល់សិក្ខាកាម និងនិស្សិតសាកលវិទ្យាល័យធនធានមនុស្ស

សង្កថា

ខ្ញុំព្រះករុណាខ្ញុំ សូមក្រាបថ្វាយបង្គំ ព្រះតេជព្រះគុណ សាមណៈនិស្សិតជ័យលាភីគ្រប់ព្រះអង្គ ជាទីគោរពសក្ការៈ។ឯកឧត្តម លោកជំទាវ សមាជិក សមាជិការដ្ឋាភិបាលលោកបណ្ឌិត សាស្ត្រាចារ្យ ជា សុភាព សាកលវិទ្យាល័យនៃសាកលវិទ្យាល័យធនធានមនុស្សគណៈអធិបតីភ្ញៀវកិត្តិយស គណៈគ្រប់គ្រងសាស្ត្រាចារ្យ បុគ្គលិកសិក្សា និងនិសិ្សតជ័យលាភីទាំងអស់នៃសាកលវិទ្យាល័យធនធានមនុស្សជាទីមេត្រី ថ្ងៃនេះ, ខ្ញុំព្រះករុណាខ្ញុំ មានសេចក្តីរីករាយក្រៃលែង ដោយបានចូលរួមជាអធិបតី នៅក្នុង «ពិធីប្រគល់សញ្ញាបត្រថ្នាក់បរិញ្ញបត្រជាន់ខ្ពស់ ថ្នាក់បរិញ្ញាបត្រ ថ្នាក់បរិញ្ញាបត្ររង និង ថ្នាក់វិញ្ញា​បនបត្រ​វិជ្ជាជីវៈ» ដល់ព្រះថេរានុថេរៈ,ប្អូនៗនិស្សិត និង សិស្សជ័យលាភីសរុបចំនួន ១១៥៧ អង្គ/នាក់​ដែល​​បាន​បញ្ចប់​ការសិក្សាដោយជោគជ័យ នៅសាកលវិទ្យាល័យធនធានមនុស្ស ។ [ចាប់ផ្តើមសេចក្តីអធិប្បាយ១] សូមឆ្លៀតឱកាសនេះអរគុណ និងអបអរសាទរចំពោះនិស្សិតជ័យលាភីផ្ទាល់​ ក្រុមគ្រួសារ សាស្ត្រាចារ្យ ក៏ដូចជាគណៈគ្រប់គ្រងសាកលវិទ្យាល័យ ដែលបានរួមគ្នាធ្វើឲ្យកើតមានលទ្ធផលថ្ងៃនេះ។ [ចប់សេចក្តីអធិប្បាយ២] ក្នុងនាមរាជរដ្ឋាភិបាល និង ក្នុងនាមខ្ញុំផ្ទាល់, ខ្ញុំសូមសម្តែងនូវការកោតសរសើរ និង វាយ-តម្លៃខ្ពស់ ចំពោះការខិតខំប្រឹងប្រែងរបស់ក្រសួងអប់រំ យុវជន និង កីឡា ក៏ដូចជាក្រុមប្រឹក្សា-    ភិបាល, គណៈគ្រប់គ្រង, មន្រ្តីរាជការ បុគ្គលិក,…

សុន្ទរកថានិងសេចក្តីអធិប្បាយ សម្តេចមហាបវរធិបតី ហ៊ុន ម៉ាណែត សំណេះសំណាលជាមួយសិស្សនិទ្ទេស A នៃការប្រឡងសញ្ញាបត្រមធ្យមសិក្សាទុតិយភូមិ និងការប្រឡងសញ្ញាបត្របច្ចេកទេស និងវិជ្ជាជីវៈកម្រិត៣

សង្កថា

ខ្ញុំព្រះករុណាខ្ញុំ សូមក្រាបថ្វាយបង្គំព្រះតេជព្រះគុណ សមណសិស្សជ័យលាភីនិទ្ទេស A ជាទីគោរព ជាទីសក្ការៈឯកឧត្តម លោកជំទាវ សមាជិក សមាជិកាព្រឹទ្ធសភា រដ្ឋសភាសមាជិក សមាជិកា រាជរដ្ឋាភិបាលគណៈអធិបតី ភ្ញៀវកិត្តិយសថ្នាក់ដឹកនាំគ្រឹះស្ថានសិក្សានានាមាតា បិតា អាណាព្យាបាល និងក្មួយៗបេក្ខជននិទ្ទេស A ទាំងអស់ ជាទីមេត្រី ! ថ្ងៃនេះ ខ្ញុំពិតជាមានសេចក្តីរីករាយ ដែលបានមកជួបសំណេះសំណាលជាមួយក្មួយៗសិស្សទទួលបាននិទ្ទេស A ទាំង ២ ២២៥ នាក់។ នេះគឺជាលើកទី១០ បើគិតចាប់ពីពេលដែលក្រសួងអប់រំ យុវជន និងកីឡា បានចាប់ផ្តើមធ្វើការកែទម្រង់ការប្រឡងសញ្ញាបត្រមធ្យមសិក្សាទុតិយភូមិ នៅឆ្នាំ២០១៣ ក្រោមពាក្យស្លោក “អ្នកចេះគឺជាប់”។ [ចាប់ផ្ដើមសេចក្ដីអធិប្បាយ១] (១) ពីមួយឆ្នាំទៅមួយឆ្នាំ កម្រិតសមត្ថភាពក្មួយៗប្រឡងជាប់គ្រប់និទ្ទេសកាន់តែកើន ថ្ងៃនេះ ខុសពីឆ្នាំមុនៗ ដែលយើងរៀបចំ(សំណេះសំណាលជាមួយសិស្សនិទ្ទេស A នៃការប្រឡងសញ្ញាបត្រមធ្យមសិក្សាទុតិយភូមិ) នៅទីស្ដីការគណៈរដ្ឋមន្រ្តី។ (ឆ្នាំនេះ) ដោយសារចំនួនអ្នកទទួលបាននិទ្ទេសA កើនឡើង មិនអាចរៀបនៅទីនោះបាន។ ឆ្នាំទៅ​ យើងមានតែជាង ១ ៦០០នាក់ទេ។ ឆ្នាំនេះ…

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា អញ្ជើញជាអធិបតីប្រកាសខេត្តកំពង់ចាម បញ្ចប់ការវាស់វែងដីធ្លីមានលក្ខណៈជាប្រព័ន្ធ និងពិធីចែកបណ្ណកម្មសិទ្ធដីធ្លី

សង្កថា

ឯកឧត្តម លោកជំទាវ សមាជិក សមាជិកា ព្រឹទ្ធសភា រដ្ឋសភា សមាជិករាជរដ្ឋាភិបាល;គណៈអធិបតី ភ្ញៀវកិត្តិយស បងប្អូនប្រជាពលរដ្ឋមកពីបណ្ដាស្រុកនានា នៃខេត្តកំពង់ចាម និងអ្នកស្រុកស្ទឹងត្រង់ទាំងអស់ ជាទីមេត្រី! ថ្ងៃនេះ ខ្ញុំមានសេចក្ដីសោមន្សរីករាយ ដោយបានមកកាន់ទឹកដីស្រុកស្ទឹងត្រង់សាជាថ្មី។ ថ្ងៃនេះ ត្រជាក់ផង ក្ដៅផង។ ត្រជាក់ត្រង់ថា ថ្ងៃនេះមានខ្យល់។ ថ្ងៃមុន ទៅបន្ទាយមានជ័យ ក៏បើកម៉ាស៊ីនត្រជាក់ម្ដងហើយ។ ថ្ងៃនេះ មកទីនេះ ទេវតាបើកម៉ាស៊ីនត្រជាក់មួយទៀត។ នៅស្ទឹងត្រង់ ពាក់អាវរងាស្ទើរគ្រប់គ្នាតែម្ដង។ ក្ដៅវិញត្រង់ថា មានការកក់ក្ដៅ។ ថ្ងៃនេះ មកដល់ស្រុកកំណើត។ អម្បាញ់មិញថាមកស្រុកកំណើតតាយាយ និងពុក អ្នកស្រុកស្ទឹងត្រង់ ហើយក៏មានវត្តមានអ្នកមកពីក្រូចឆ្មារ រកាខ្នុរដែរ។ អញ្ចឹងថ្ងៃនេះ ស្រុកពុកនិងស្រុកម៉ែ ជួបគ្នានៅទីនេះតែម្ដង។ ស្រុកកំណើតខ្ញុំនៅមេមត់។ ​បើនិយាយពីប្រវត្តិ កាលម៉ែពរពោះហ្នឹង ជាប់គុកនៅនឹងមេមត់ តែកើតហើយ រត់មកនៅខាងក្រូចឆ្មារ រកាខ្នុរមួយរយៈ។ ដល់បែកភ្នំពេញ មកនៅស្ទឹងត្រង់មួយរយៈ មុននឹងទៅភ្នំពេញ។ អញ្ចឹង ក៏ដូចជាទឹ​កដីកំណើតរបស់ខ្លួន។ សប្បាយរីករាយបានជួបនូវទីនេះ លោកតា លោកយាយ…

រាជរដ្ឋាភិបាលកម្ពុជា ទទួលបានហិរញ្ញប្បទានសហប្រតិបត្តិការសរុប ១៩២.២លានដុល្លារពីរដ្ឋាភិបាលបារាំង តាមរយៈទីភ្នាក់ងារ AFD

ប្រជាជន

FN ៖ រាជរដ្ឋាភិបាលកម្ពុជាបានចុះកិច្ចព្រមព្រៀងហិរញ្ញប្បទានសហប្រតិបត្តិការ ដែលមានទំហំសរុប១៩២.២លានដុល្លារ ជាមួយទីភ្នាក់ងារបារាំងសម្រាប់ការអភិវឌ្ឍ (AFD) ប្រចាំកម្ពុជា ក្រោមការជឿជាក់នឹងជួយគាំទ្រដល់កិច្ចអភិវឌ្ឍសង្គមនិងសេដ្ឋកិច្ចនៅកម្ពុជា។ ការចុះកិច្ចព្រមព្រៀងនេះធ្វើឡើងនាព្រឹកថ្ងៃទី១៨ ខែធ្នូ ឆ្នាំ២០២៤ នៅទីស្តីការក្រសួងសេដ្ឋកិច្ចនិងហិរញ្ញវត្ថុ ក្រោមអធិបតីភាពលោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ដោយបានទទួលបុព្វសិទ្ធិសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ជាភាគីហត្ថលេខីតំណាងរាជរដ្ឋាភិបាលកម្ពុជា រួមជាមួយលោកស្រី Sandrine Boucher នាយិកាទីភ្នាក់ងារបារាំងសម្រាប់ការអភិវឌ្ឍ (AFD) ប្រចាំកម្ពុជា លោក Fabrice Etienne ភារធារីស្ដីទីនៃទូតបារាំងប្រចាំនៅកម្ពុជា និងលោក Bryan Fornari ប្រធានសហប្រតិបត្តិការនៃប្រតិភូសហភាពអឺរ៉ុបប្រចាំនៅកម្ពុជា។ ហិរញ្ញប្បទានសហប្រតិបត្តិការនេះមានទឹកប្រាក់សរុបចំនួន ១៨៣លានអឺរ៉ូ ត្រូវជាប្រមាណ ១៩២.២លានដុល្លារអាម៉េរិក ក្នុងនោះកិច្ចព្រមព្រៀងឥណទានសម្បទានចំនួន ២ និងកិច្ចព្រមព្រៀងហិរញ្ញប្បទានឥតសំណងចំនួន ១ ដូចខាងក្រោម៖ ១. កិច្ចព្រមព្រៀងឥណទានសម្បទានសម្រាប់គម្រោងស្តារឡើងវិញអាងស្ទឹងស្វាយចេក (Svay Chek River Restoration and Management Project) មានទឹកប្រាក់ឥណទានចំនួន ៩១លានអឺរ៉ូ…

សម្តេចមហាបវរធិបតី ហ៊ុន ម៉ាណែត អញ្ជើញដឹកនាំកិច្ចប្រជុំក្រុម​ប្រឹក្សា​អភិវឌ្ឍន៍កម្ពុជាជាលើកដំបូងសម្រាប់អាណត្តិថ្មី

ប្រជាជន

FN ៖ នៅព្រឹកថ្ងៃសុក្រ ទី២០ ខែធ្នូ ឆ្នាំ២០២៤នេះ សម្តេចមហា​បវរ​ធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញដឹកនាំ​កិច្ច​ប្រជុំក្រុមប្រឹក្សាអភិវឌ្ឍន៍កម្ពុជា។ នេះជាកិច្ចប្រជុំលើកដំបូងរបស់ក្រុម​ប្រឹក្សាអភិវឌ្ឍន៍កម្ពុជា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នៅក្នុងអាណត្តិទី៧។ ក្រុមប្រឹក្សាអភិវឌ្ឍន៍កម្ពុជា​ ហៅកាត់ថា​ ក.អ.ក.​ ឬ​ CDC ត្រូវបាន​បង្កើត​​ឡើងនៅថ្ងៃ៥​ ខែសីហា​ ឆ្នាំ១៩៩៤។ ក្រុមប្រឹក្សាអភិវឌ្ឍន៍កម្ពុជា ជាស្ថាប័នប្រតិបត្តិបំពេញមុខងារជាសេនាធិការ និងជាច្រក​ចេញ-ចូល​តែមួយរបស់រាជរដ្ឋាភិបាលលើបេសកកម្មដឹកនាំ និងគ្រប់គ្រងកិច្ច​សហ​​ប្រតិបត្តិការអភិវឌ្ឍន៍ ការវិនិយោគឯកជន និងតំបន់​សេដ្ឋ​កិច្ច​ពិសេស។ ក្រុមប្រឹក្សាអភិវឌ្ឍន៍កម្ពុជាក្នុងនីតិកាលថ្មីនេះ មានសម្តេចមហាបវរធិបតី ហ៊ុន ម៉ាណែត ជាប្រធាន, ឧបនាយករដ្ឋមន្ត្រី ស៊ុន ចាន់ថុល ជាអនុប្រធានទី១។ កិច្ចការវិនិយោគជាកិច្ចការដ៏អាទិភាពរបស់រាជរដ្ឋាភិបាល។ រាជរដ្ឋា​ភិ​បាលកម្ពុជាក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត បានយកចិត្តទុកដាក់ខ្ពស់បំផុតលើកិច្ចការវិនិយោគ ហើយបានដាក់ចេញនូវគោលនយោបាយជាច្រើន ដើម្បីជំរុញការវិនិយោគនៅកម្ពុជា។ រយៈពេលប្រមាណ១ឆ្នាំកន្លះរបស់រាជរដ្ឋាភិបាលនីតិកាលថ្មី បន្តទាក់​ទាញបានគម្រោងវិនិយោគជាច្រើនគម្រោង។ របាយការណ៍​បាន​បង្ហាញ​ថា ឆ្នាំ២០២៤នេះ គម្រោងវិនិយោគចំនួន៤១៤គម្រោង​ត្រូវ​បាន​អនុម័ត ចំនួននេះធៀបនឹងឆ្នាំ២០២៣ កើនឡើង១៤៦គម្រោង ស្មើនឹង៥៤ភាគរយ។ សម្រាប់ទុនវិនិយោគវិញ ៤១៤គម្រោង…

សម្តេចមហាបវរធិបតី ចង្អុលបង្ហាញការងារ៧ចំណុច ជូនក្រុមប្រឹក្សា​អភិវឌ្ឍន៍​កម្ពុជា ដើម្បីលើកកម្ពស់សកម្មភាពវិនិយោគ និងធ្វើធុរកិច្ចនៅ​កម្ពុជា

ប្រជាជន

FN៖ កាលពីព្រឹកថ្ងៃសុក្រ ​ទី២០ ខែធ្នូ ឆ្នាំ២០២៤សប្តាហ៍កន្លងទៅនេះ សម្តេចមហាបវរ​ធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងជាប្រធាន​ក្រុមប្រឹក្សាអភិវឌ្ឍន៍កម្ពុជា បានអញ្ជើញដឹកនាំកិច្ចប្រជុំផ្លូវការលើកទី១ របស់ក្រុមប្រឹក្សាអភិវឌ្ឍន៍កម្ពុជា។ ក្នុងកិច្ចប្រជុំនោះ ក៏មានការអញ្ជើញចូល​រួមពីលោកឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សា​អភិ​វឌ្ឍន៍​កម្ពុជា លោក ឈៀង យ៉ាណារ៉ា ទេសរដ្ឋមន្ត្រីទទួលបន្ទុក​បេសក​កម្ម​ពិសេស អនុប្រធានទី២ ក្រុមប្រឹក្សាអភិវឌ្ឍន៍កម្ពុជា លោកអគ្គលេខាធិការ លោក លោកស្រីអគ្គលេខាធិការរងក្រុមប្រឹក្សាអភិវឌ្ឍន៍កម្ពុជា ព្រមទាំងរដ្ឋ​លេ​ខាធិការទីស្តីការគណៈរដ្ឋមន្ត្រី និងទីប្រឹក្សាសម្ដេចបវរធិបតី នាយករដ្ឋ​មន្ត្រីផងដែរ។ របៀបវារៈនៃកិច្ចប្រជុំផ្លូវការលើកទី១នេះ ត្រូវបានធ្វើឡើងក្នុងគោលបំណង​ដើម្បីពិនិត្យ វឌ្ឍនភាពការងារ បញ្ហាប្រឈម និងកំណត់ទិសដៅការងារ​របស់ក្រុមប្រឹក្សាអភិវឌ្ឍន៍កម្ពុជា ដែលមាន៖ ១) អគ្គលេខាធិការដ្ឋានក្រុម​ប្រឹក្សាអភិវឌ្ឍន៍កម្ពុជា, ២) គណៈកម្មាធិការសហប្រតិបត្តិការអភិវឌ្ឍន៍​កម្ពុជា (គ.ស.អ.ក.) និង៣) គណៈកម្មាធិការវិនិយោគកម្ពុជា (គ.វ.ក.) ជាសេនាធិការ។ ក្នុងកិច្ចប្រជុំនោះ លោកឧបនាយករដ្ឋមន្ត្រី ស៊ុន ចាន់ថុល បានរាយការណ៍​ជូនសម្ដេចមហាបវរធិបតី អំពីស្ថានភាពទូទៅ និងការកែលម្អសោភ័ណ​ភាព​បរិ​វេណក្រុមប្រឹក្សាអភិវឌ្ឍន៍កម្ពុជា ជាពិសេសគឺការរៀបចំទីកន្លែងបំពេញ​ការ​ងារ សម្រួលដល់ការប្រាស្រ័យទាក់ទងជាមួយ វិនិយោគិនប្រកបដោយ​ទំនុក​ចិត្ត…