Speech given by the Prime Minister on national and international occasions, review conference, etc. in English and in Khmer
សម្តេចធិបតី៖ សូមជម្រាបសួរទាំងអស់គ្នា។ កម្មវិធីថ្ងៃនេះមិនបានគ្រោងទុកទេ។ សូម្បីអង្គរក្សខ្ញុំ ក៏មិនដឹងដែរ។ អត់មានអ្នកណាមកយាមទេ។ ទាល់តែមកដល់នេះហើយ ទើបប្រាប់ថាខ្ញុំមកដល់ មិនបាច់មកតាមទេ។ កិច្ចការងារសំខាន់ថ្ងៃនេះ … គឺមកជួបនិងមើលសាលា … មិនត្រឹមតែមកមើលទេ គឺមកសួរថា តើលោក/អ្នកគ្រូមានទស្សនៈនិងយល់យ៉ាងម៉េចអំពីការអនុវត្តវិធានការគន្លឹះក្នុងវិស័យអប់រំ (គ.វ.អ)? មានអ្វីត្រូវថែមថយ? ជាពិសេស តើឪពុកម្ដាយពេញចិត្តទេ? … ខ្ញុំបានគិតថាតើគួររៀបចំយ៉ាងម៉េច។ បើសិនជា surprise មែន ក្រែងលោមិនមានមនុស្សមក។ អញ្ចឹងខ្ញុំក៏បានខ្ចីឈ្មោះ ឯកឧត្ដម ពេជ សោភ័ន ដោយអោយដំណឹងថា កម្មវិធីនេះរៀបចំនៅក្រោមអធិបតីឯកឧត្ដម ពេជ សោភ័ន ព្រោះគាត់ជា(ថ្នាក់ដឹកនាំនៃ)លេខាធិការដ្ឋាន(គណៈកម្មាធិការជាតិជំរុញការអនុវត្តវិធានការគន្លឹះក្នុងវិស័យអប់រំ) ដែលនៅក្រោមនាយករដ្ឋមន្រ្តីផ្ទាល់។ មានវិធានគន្លឹះ ៥ ដែលខ្ញុំបានដាក់ចេញកាលពីដើមអាណត្តិ គឺកំណែទម្រង់រដ្ឋបាលសាធារណៈ អប់រំ សុខាភិបាល ភូមិ/ឃុំសុវត្ថិភាព ដោះស្រាយក្រៅប្រព័ន្ធតុលាការ ត្រូវបានដាក់អោយនៅក្រោមនាយករដ្ឋមន្រ្តីផ្ទាល់។ ដោយសារ(ឯកឧត្តម) គាត់នៅក្នុងគណកម្មការនេះដែរ ខ្ញុំក៏ប្រើឈ្មោះគាត់ខ្ចីសិនអញ្ជើញទាំងអភិបាល ប្រធានមន្ទីរ ប្រធានការិយាល័យអប់រំ អភិបាលក្រុង ជាពិសេសឪពុកម្ដាយ។ សូមអរគុណចំពោះការរៀបចំនិងចំពោះការចូលរួម។ សូមសរសើរចំពោះអ្វីដែលខ្ញុំបានមកឃើញ។ តាមពិត…
សម្ដេចព្រះព្រហ្មរតនមុនី ពិន សែម សិរីសុវណ្ណោ គណៈមហានិកាយជាឧត្តមទីប្រឹក្សា គណៈសង្ឃនាយក ជាទីសក្ការៈដ៏ខ្ពង់ខ្ពស់;សម្តេចព្រះរាជាគណៈ ព្រះថេរានុត្ថេរៈគ្រប់ព្រះអង្គ ជាទីសក្ការៈ;ឯកឧត្តម លោកជំទាវ, សមាជិក សមាជិកា រាជរដ្ឋាភិបាល;ឯកឧត្តម លោកជំទាវ, លោក លោកស្រី, លោកតា លោកយាយ,បងប្អូនប្រជាពលរដ្ឋ និង សិស្សានុសិស្ស ជាទីស្រឡាញ់! ក្នុងទិវាប្រកបដោយមហានក្ខត្តឫក្សនាថ្ងៃនេះ, ខ្ញុំព្រះករុណាខ្ញុំ និង ភរិយា មានសេចក្តីសោមនស្ស និង ប្រកបដោយសទ្ធាជ្រះថ្លា ដោយបានចូលរួមក្នុង «ពិធីបើកការដ្ឋានសាងសង់សារមន្ទីរសម្តេចព្រះព្រហ្មរតនមុនី ពិន សែម រាជបូណ៌» ស្ថិតនៅក្នុងបរិវេណវត្តរាជបូណ៌ ដែលជាទី-តាំងវត្តអារាមដ៏ចំណាស់ រួមជាមួយសំណង់បេតិកភណ្ឌសាសនានា ។ ការជួបជុំនៅក្នុងឱកាសនេះ គឺស្ថិតក្នុងបរិយាកាសសប្បាយរីករាយ ដោយទទួលបានសមិទ្ធផលថ្មីមួយទៀត ក្នុងព្រះពុទ្ធសាសនា ហើយក៏បានឆ្លុះបញ្ចំាងអំពីតួនាទីគន្លឹះរបស់ព្រះពុទ្ធសាសនា ក្នុងការរួមចំណែកដល់ការលើកកម្ពស់ការប្រតិបត្តិអំពើល្អ, ការអប់រំចរិយាធម៌, សីលធម៌, ភាពសុខសាន្ត និង ភាពសុខដុមនៃសង្គម ។ ក្នុងឱកាសដ៏ថ្លៃថ្លានេះ ខ្ញុំព្រះករុណាខ្ញុំ សូមថ្លែងអំណរព្រះគុណ អរគុណ និង វាយតម្លៃ…
ឯកឧត្ដម វង្សី វិស្សុត ឧបនាយករដ្ឋមន្រ្តីប្រចាំការ និងប្រធានក្រុមការងាររាជរដ្ឋាភិបាលទទួលបន្ទុកដំណើរការ អនុវត្តមុខងារសេសសល់របស់អ.វ.ត.ក.ឯកឧត្ដម ឧបនាយករដ្ឋមន្រ្តី ទេសរដ្ឋមន្រ្តី រដ្ឋមន្រ្តីឯកឧត្តម មីហ្គែល ឌឺ សែប៉ា សូអារ៉េស (Miguel de Serpa Soares) អគ្គលេខាធិការរងទទួលបន្ទុកកិច្ចការច្បាប់ និងជាទីប្រឹក្សាច្បាប់របស់អង្គការសហប្រជាជាតិឯកឧត្ដម លោកជំទាវ ឯកអគ្គរាជទូត ឯកអគ្គរដ្ឋទូត ប្រចាំនៅព្រះរាជាណាចក្រកម្ពុជាឯកឧត្តម ចូហ្សេប សូអើរ (Joseph SCHEUER) អ្នកសម្របសម្រួលអង្គការសហប្រជាជាតិ ប្រចាំនៅកម្ពុជាឯកឧត្តម ឃ្នុត រ៉ូសែនហ៊ក (Knut ROSANDHAUG) អ្នកសម្របសម្រួលភាគីអន្តរជាតិនៃ អ.វ.ត.ក.ឯកឧត្ដម លោកជំទាវ លោក លោកស្រីទាំងអស់ ជាទីគោរពរាប់អាន! ថ្ងៃនេះ ខ្ញុំមានសេចក្តីសោមនស្សជាអនេក ដែលបានមកចូលរួម និង ថ្លែងសុន្ទរកថា ក្នុងពិធី “ទស្សនកិច្ចនិងសម្ពោធសមិទ្ធផលនៅអគារអនុវត្តមុខងារសេសសល់របស់ អ.វ.ត.ក.” ដែលត្រូវបានរៀបចំឡើងដោយទីស្តីការ គណៈរដ្ឋមន្ត្រី និង អង្គជំនុំជម្រះវិសាមញ្ញក្នុងតុលាការកម្ពុជា។ ជាបឋម ខ្ញុំសូមអរគុណចំពោះគំនិតផ្តួចផ្តើមដ៏ថ្លៃថ្លា ក្នុងការលើកកម្ពស់ការអប់រំផ្សព្វផ្សាយនូវសមិទ្ធផលជាប្រវត្តិសាស្ត្រ ដែល…
ជូនបងប្អូនជនរួមជាតិទាំងអស់ បងប្អូនអ្នករត់ម៉ូតូឌុប រ៉ឺម៉កកង់បី ក្នុងសេដ្ឋកិច្ចក្រៅប្រព័ន្ធឲ្យ បានជ្រាប! ខ្ញុំទើបទទួលបានព័ត៌មានពីប្រភពច្បាស់ការមួយថា មានមនុស្សមួយក្រុមតូចបាននិងកំពុងធ្វើការកៀងគរបងប្អូនអ្នករត់ម៉ូតូឌុប និងរ៉ឺម៉កកង់បី ធ្វើបាតុកម្មប្រឆាំងជាមួយរដ្ឋាភិបាល ដោយចោទថា រដ្ឋាភិបាលបានអនុញ្ញាតឲ្យក្រុមហ៊ុនរថយន្តតាក់ស៊ីអគ្គិសនីមកពីវៀតណាម ឬចិន បើកធ្វើអាជីវកម្មតាក់ស៊ី(ដឹកភ្ញៀវ)នៅកម្ពុជា។ អំពីបញ្ហានេះ ខ្ញុំបានបញ្ជាក់ច្បាស់រួចហើយពីពេលកន្លងទៅ រួមទាំងមានសុន្ទរកថារបស់ខ្ញុំ ផ្សាយផ្ទាល់នៅពេលជួបប្រជាពលរដ្ឋខ្មែរនៅប្រទេសជប៉ុន កាលពីថ្ងៃទី១៦ ខែធ្នូ ឆ្នាំ២០២៣កន្លងទៅ ដែលខ្ញុំបានបញ្ជាក់ច្បាស់ៗថា រាជរដ្ឋាភិបាលមិនដែលបានផ្ដល់អាជ្ញាបណ្ណឲ្យរថយន្តតាក់ស៊ីអគ្គិសនីពីវៀតណាម ឬពីប្រទេសណាមួយ មកធ្វើអាជីវកម្មនៅកម្ពុជាទេ។ កម្ពុជាមិនទាន់មានតម្រូវការឲ្យក្រុមហ៊ុនបរទេសមកធ្វើការវិនិយោគ ដើម្បីធ្វើក្រុមហ៊ុនតាក់ស៊ីអគ្គិសនីនៅកម្ពុជាទេ។ ពេលនេះ រាជរដ្ឋាភិបាលអាណត្តិទី៧ កំពុងយកចិត្តទុកដាក់ជួយដល់បងប្អូនដែលកំពុងប្រកបរបររត់ម៉ូតូឌុប និងរ៉ឺម៉កកង់បី ក្នុងសេដ្ឋកិច្ចក្រៅប្រព័ន្ធនេះឲ្យបានល្អប្រសើរ។ ខ្ញុំសូមជូនព័ត៌មាននេះឲ្យបងប្អូនប្រជាពលរដ្ឋ ជាពិសេសបងប្អូនដែលកំពុងប្រកបរបររត់ម៉ូតូឌុប និងរ៉ឺម៉កកង់បីឲ្យបានជ្រាប និងកុំជឿតាមការញុះញង់របស់ក្រុមមនុស្សមួយក្រុមតូច។ ខ្ញុំសូមបញ្ជូនសារនេះ ទៅក្រុមមនុស្សមួយចំនួនតូចដែលកំពុងបំភ្លៃការពិត ហើយមានចេតនាយកព័ត៌មានមិនពិតនេះប្រមូលផ្ដុំមនុស្សធ្វើបាតុកម្មប្រឆាំងរាជរដ្ឋាភិបាល។ សូមអស់លោកស្ដាប់ឲ្យបានច្បាស់ និងកុំចេះប៉ុន្តែធ្វើល្ងង់ ដើម្បីកេងចំណេញផលប្រយោជន៍នយោបាយរបស់អស់លោក។ បើអស់លោកនៅតែបន្តសកម្មភាពយកព័ត៌មានបំភ្លៃការពិតនេះ ធ្វើជាកម្មវត្ថុប្រើប្រាស់ក្នុងចេតនាអាក្រក់ តាមរយៈការប្រមូលផ្ដុំមនុស្សធ្វើបាតុកម្ម អស់លោកនឹងត្រូវទទួលខុសត្រូវចំពោះមុខច្បាប់។ រាជរដ្ឋាភិបាលមិនអាចឲ្យអស់លោកធ្វើអ្វីស្រេចតែចិត្ត ជាពិសេសសកម្មភាពគ្មានសុច្ចរិតភាព ដែលនាំឲ្យបំផ្លាញសណ្ដាប់ធ្នាប់សង្គម ដើម្បីតែកេងចំណេញផលប្រយោជន៍ខាងនយោបាយរបស់អស់លោកនោះទេ៕
លោក Gordon Tang អនុប្រធានក្រុមប្រឹក្សាអូឡាំពិកអាស៊ី និងជាប្រធានសមាគមកីឡាយុទ្ធគុនចម្រុះអាស៊ីឯកឧត្តម ថោង ខុន ទេសរដ្ឋមន្ត្រី ប្រធានគណៈកម្មាធិការជាតិអូឡាំពិកកម្ពុជាគណៈអធិបតីភ្ញៀវកិត្តិយស ប្រតិភូកីឡា អត្តពលិក ជាតិនិងអន្តរជាតិ និងអង្គពិធីទាំងមូលជាទីស្រលាញ់រាប់អាន! [ចាប់ផ្ដើមសេចក្ដីអធិប្បាយ១] First of all, I’d like to welcome all the participants from all the 15 countries and regions and all the referees to AMMA. I hope you enjoy (staying in) Cambodia as well as the competition. Good luck to all. [បញ្ចប់សេចក្ដីអធិប្បាយ១] ថ្ងៃនេះ,…
លោក ហ្វ្រង់ស័រ កូប៊ីន (François Corbin) អនុប្រធានចលនាសហគ្រាសបារាំង (MEDEF) និងជាតំណាងពិសេសរបស់រដ្ឋមន្ត្រីបារាំង សម្រាប់កិច្ចការអឺរ៉ុប និងការបរទេសទទួលបន្ទុកទំនាក់ទំនងសេដ្ឋកិច្ចជាមួយប្រទេសអាស៊ាន! លោក ស៊ីរីល ចីរ៉ូត (Cyril Girot) ប្រធានសភាពាណិជ្ជកម្ម និងឧស្សាហកម្ម បារាំង-កម្ពុជា! អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន សម្រាប់កម្ពុជា! ឯកឧត្តម លោកជំទាវ លោក លោកស្រី! (ថ្លែងស្វាគមន៍ភ្ញៀវចូលរួម ជាភាសាបារាំង) ក្នុងនាមរាជរដ្ឋាភិបាលកម្ពុជា ខ្ញុំពិតជាមានសេចក្តីសោមនស្សជាអនេក ដែលបានចូលរួមជាអធិបតីក្នុង «វេទិកាធុរកិច្ចបារាំង-កម្ពុជា លើកទី២» នៅរាជធានីនៃព្រះរាជាណាចក្រកម្ពុជា។ ខ្ញុំសូមថ្លែងអំណរគុណ និងវាយតម្លៃខ្ពស់ ចំពោះកិច្ចខិតខំប្រឹងប្រែងរួមគ្នារបស់សភាពាណិជ្ជកម្ម និងឧស្សាហកម្មបារាំងនៅកម្ពុជា និងទីប្រឹក្សាពាណិជ្ជកម្មក្រៅប្រទេសរបស់បារំាងប្រចំានៅកម្ពុជា និងសភាពាណិជ្ជកម្មកម្ពុជា ក្នុងការសហការរៀបចំព្រឹត្តិការណ៍ដ៏មានកិត្យានុភាពនេះ ជាលើកទី២។ ខ្ញុំក៏សូមសម្តែងការស្វាគមន៍យ៉ាងកក់ក្តៅជូនចំពោះ ឯកឧត្តម លោកជំទាវ លោក លោកស្រី មកកាន់វេទិកានាថ្ងៃនេះ ដែលជាកាលានុវត្តដ៏វិសេសវិសាល ក្នុងការពង្រឹងចំណងមិត្តភាព និងស្វែងរកសក្តានុពលដ៏ធំធេង សម្រាប់ភាពជាដៃគូសេដ្ឋកិច្ចរវាងប្រជាជាតិរបស់យើង។ វេទិកាធុរកិច្ចបារាំង-កម្ពុជា…
ឯកឧត្តម លោកជំទាវ សមាជិកព្រឹទ្ធសភា រដ្ឋសភា សមាជិក សមាជិការាជរដ្ឋាភិបាលគណៈធិបតី ភ្ញៀវកិត្តិយសជាតិ តំណាងដៃគូអភិវឌ្ឍន៍សាស្រ្តាចារ្យ បុគ្គលិកសិក្សា វិទ្យាស្ថានគរុកោសល្យរាជធានីភ្នំពេញគរុសិស្ស គរុនិស្សិតជ័យលាភី និងអង្គពិធីទាំងមូលជាទីមេត្រី! [ចាប់ផ្ដើមសេចក្ដីអធិប្បាយ១] (១) អត្រានៃការបោះបង់ការសិក្សាជាគរុសិស្សមានកំរិតទាប ថ្ងៃនេះ ខ្ញុំពិតជាមានសេចក្ដីសោមនស្សរីករាយ ដែលបានចូលរួម ក្នុងពិធីប្រគល់សញ្ញាបត្រជូនគរុសិស្សជំនាន់ទី ២ និងគរុនិស្សិតជំនាន់ទី ៣១ ក៏ដូចជាសម្ពោធដាក់ឱ្យប្រើប្រាស់អគារ អន្តេវាសិកដ្ឋានគ្រូ មួយខ្នង ៤ ជាន់ ៧០ បន្ទប់ ដែលយើងទើបកាត់ខ្សែបូអម្បាញ់មិញនេះ។ សូមអរគុណណាស់ចំពោះរបាយការណ៍របស់ឯកឧត្តម បណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជននិងកីឡា។ អរគុណណាស់ចំពោះការខិតខំប្រឹងប្រែងរបស់ក្រសួងអប់រំ យុវជននិងកីឡា ក៏ដូចជាវិទ្យាស្ថាន ដែលបានខិតខំប្រឹងប្រែងនៅក្នុងការបណ្ដុះបណ្ដាលធនធានមនុស្ស ដែលយើងតំឡើងពីកម្រិតមជ្ឈមណ្ឌលគរុកោសល្យភូមិភាគរាជធានី មកវិទ្យាស្ថានគរុកោសល្យរាជធានីភ្នំពេញ ឆ្នាំ ២០១៧ កន្លងមកនេះ ៧ឆ្នាំមុន។ ថ្ងៃនេះ ខ្ញុំសូមអបអរសាទរដល់គរុសិស្ស/និស្សិតជ័យលាភីទាំង ២៦៦នាក់ ដែលបានពុះពារប្រឹងប្រែង ដើម្បីសម្រេចនូវគោលបំណងបញ្ចប់ការសិក្សាដោយជោគជ័យ។ យើងចប់ពីការធ្វើជាកូនសិស្ស ចេញទៅធ្វើជាគ្រូ។ ត្រឡប់ពីម្ខាងទៅម្ខាង។ ពីអង្គុយក្នុងថ្នាក់…
ឯកឧត្តម លោកជំទាវ សមាជិក សមាជិកា ព្រឹទ្ធសភា រដ្ឋសភា និង រាជរដ្ឋាភិបាល;ឯកអគ្គរាជទូត–ឯកអគ្គរដ្ឋទូតនៃបណ្តាប្រទេសនានាប្រចាំកម្ពុជា;គណៈធិបតី ភ្ញៀវកិត្តិយស មន្រ្តីរាជការ បណ្ដាដៃគូអភិវឌ្ឍន៍;លោកគ្រូ អ្នកគ្រូ ក្មួយៗសិស្សានុសិស្ស អ៊ំ ពូ មីង បងប្អូនប្រជាពលរដ្ឋ ជនរួមជាតិជាទីមេត្រី! ថ្ងៃនេះ ខ្ញុំមានសេចក្តីសោមនស្សរីករាយ ដែលបានចូលរួមនៅក្នុង «ទិវាមច្ឆជាតិលើកទី ១៩» ១ កក្កដា ឆ្នាំ ២០២៤ ដែលជាព្រឹត្តិការណ៍សំខាន់មួយ នៅទីតាំងបឹងធំ ក្នុងភូមិកំពង់សំណាញ់ ឃុំមៀន ស្រុកព្រៃឈរ ខេត្តកំពង់ចាម នាពេលនេះ។ [ចាប់ផ្ដើមសេចក្ដីអធិប្បាយ១] អម្បាញ់មិញ ចូលមកម្ខាង ក៏បានជួបជាមួយនឹងលោកតា លោកយាយ អ៊ំពូមីង បងប្អូន ហើយក្មួយៗថា ម៉េចទៅតែម្ខាង។ ចាំចេញទៅវិញ ចាំជួបគ្នាខាងណេះ។ អរគុណណាស់ អម្បាញ់មិញ ច្រណែនបន្ដិច អោបតែក្មួយស្រី ចៅស្រី ដល់ចៅប្រុស ក្មួយប្រុសឈរក្បែរ អត់អោបបន្ដិចសោះ លោកយាយលោកតា។ ថ្ងៃនេះ…
ឯកឧត្តម លោកជំទាវ, សមាជិក សមាជិកា ព្រឹទ្ធសភា, រដ្ឋសភា សមាជិក សមាជិកា រាជរដ្ឋាភិបាល ឯកអគ្គរាជទូត ឯកអគ្គរដ្ឋទូត តំណាងស្ថានទូតនានាប្រចាំកម្ពុជា ឧកញ៉ា តែ តាំងប៉ ប្រធានក្រុមប្រឹក្សាភិបាលសម្ព័ន្ធសមាគមសហគ្រាសធុនតូច និងមធ្យមកម្ពុជា និងជាប្រធានក្រុមប្រឹក្សាភិបាលសមាគមមូលនិធិសម្តេចតេជោ ដើម្បីអភិវឌ្ឍសហគ្រាសធុនតូច និងមធ្យមនៅកម្ពុជា គណៈធិបតី ភ្ញៀវកិត្តិយសជាតិនិងអន្តរជាតិ និងអង្គពិធីទាំងមូលជាទីមេត្រី! ថ្ងៃនេះ ខ្ញុំមានសេចក្តីសោមនស្សរីករាយ ដែលបានចូលរួម ក្នុងពិធីសំណេះសំណាល និងពិសាអាហារសាមគ្គីមហាគ្រួសារសហគ្រាសធុនតូច និងមធ្យម និងសិប្បកម្មកម្ពុជា ដែលត្រូវបានសហការរៀបចំដោយសម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC) និងសមាគមមូលនិធិសម្ដេចតេជោ ដើម្បីអភិវឌ្ឍសហគ្រាសធុនតូច និងមធ្យមនៅកម្ពុជា ក្នុងគោលបំណងអបអរសាទរ ទិវាជាតិសហគ្រាសធុនមីក្រូ តូច និងមធ្យម លើកទី១ ឆ្នាំ២០២៤ និងដើម្បីរឹតចំណងសាមគ្គីភាព មិត្តភាព និងកិច្ចសហការរវាងផលិតករក្នុងស្រុកជាមួយក្រសួង-ស្ថាប័នពាក់ព័ន្ធ។ ពិធីជួបជុំនេះពិតជាមានសារៈសំខាន់ ដោយបានទាក់ទាញតំណាងម្ចាស់សហគ្រាសធុនតូច មធ្យម និងសិប្បកម្ម ចូលរួមប្រមាណជិត ២ ៥០០ នាក់ ដែលមកពី ២៥ រាជធានី-ខេត្ត។…
អរគុណសន្តិភាព អរគុណនយោបាយឈ្នះ-ឈ្នះដឹងគុណមគ្គុទេសក៍ឯក និងប្រតិបត្តិករនយោបាយឈ្នះ-ឈ្នះដែលនាំមកនូវសន្តិភាពនិងការឯកភាពជាតិពេញលេញ ថ្ងៃនេះ, ខ្ញុំមានសេចក្ដីសោមនស្សរីករាយ ដែលបានចូលរួមជាអធិបតី ក្នុងពិធី «“អបអរសាទរខួបលើកទី១៧ ទិវាអតីតយុទ្ធជនកម្ពុជា (២១ មិថុនា២០០៧-២១ មិថុនា ២០២៤)”» តំណាងដ៏ខ្ពង់ខ្ពស់ សម្ដេចអគ្គ-មហាសេនាបតីតេជោ នាយឧត្ដមសេនីយ៍ផុតលេខផ្កាយមាស ៥ ហ៊ុន សែន ប្រធានព្រឹទ្ធសភា និង ជាប្រធានសមាគមអតីតយុទ្ធជនកម្ពុជាដែលបានរៀបចំឡើងនៅពេលនេះ ។ [ចាប់ផ្តើមសេចក្តីអធិប្បាយ ១] អរគុណ ឯកឧត្តម នាយឧត្តមសេនីយ៍ចូលនិវត្តន៍ គន់ គីម ដែលបានធ្វើបទបង្ហាញ។ គាត់ទាមទារយូរហើយ។ តាំងពីចូលនិវត្តន៍ទៅ ឯកឧត្តម កាន់តែខ្លាំងខាងចលនា។ អម្បាញ់មិញ ខ្ញុំឃើញការជូនពរ ដូចជាអាចទទួលតួនាទីជាអាចារ្យថែមទៀត។ បើថាចលនាគឺចលនាមួយវេទិកា អត់មានសល់ សំខាន់អគ្គស្នងការប៉ូលីស …។ [ចប់សេចក្តីអធិប្បាយ ១] ជាបឋម ខ្ញុំសូមសម្ដែងនូវការស្វាគមន៍ចំពោះ ឯកឧត្តម លោកជំទាវ, លោកតា លោកយាយ, អ៊ំ ពូ មីង, បងប្អូនអតីតយុទ្ធជន អញ្ជើញមកពីរាជធានី-ខេត្ដ,…