Category Archives: ប្រជាជន

សម្តេចធិបតី ហ៊ុន ម៉ាណែត អនុញ្ញាតឱ្យថ្នាក់ដឹកនាំក្រុមហ៊ុន VINCI ចូលជួបសម្តែងការគួរសម និងពិភាក្សាការងារនៅទីក្រុងប៉ារីស ប្រទេសបារាំង

[ពី ផេច សម្តេចធិបតី] នាព្រឹកថ្ងៃទី១៥ ខែមករា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក Nicolas Notebaert ប្រធានក្រុមហ៊ុន VINCI Airports និងជា សមាជិកនៃគណៈកម្មាធិការប្រតិបត្តិរបស់ VINCI Group ចូលជួបសម្តែងការគួរសម ក្នុងឱកាសនៃដំណើរទស្សនកិច្ចផ្លូវការ ចាប់ពីថ្ងៃទី១៣-១៩ ខែមករា ឆ្នាំ២០២៤ នៅទីក្រុងប៉ារីស ប្រទេសបារាំង ។ ក្នុងឱកាសនៃជំនួបនេះ លោក Nicolas Notebaert បានថ្លែងអំណរគុណចំពោះ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោក និងសហការី ចូលជួបសម្តែងការគួរសម ព្រមទាំងបានជម្រាបអំពីវឌ្ឍនភាពរីកចម្រើននៃសកម្មភាពអាជីវកម្មរបស់ក្រុមហ៊ុន VINCI និងអំពីគម្រោងនៃការពង្រីកវិនិយោគរបស់ខ្លួនបន្ថែមទៀតនៅក្នុងប្រទេសកម្ពុជា ។ នៅក្នុងជំនួបនេះផងដែរ លោកអគ្គនាយក ក៏ដូចជាថ្នាក់ដឹកនាំក្រុមហ៊ុន VINCI ទាំងអស់ បានសម្តែងនូវក្ដីរីករាយចំពោះ សុខសន្ដិភាព និងស្ថិរភាពនយោបាយនៅកម្ពុជាដែលជាលក្ខខណ្ឌអំណោយ​ផល​ដ៏សំខាន់ដល់ការវិនិយោគរបស់ក្រុមហ៊ុននៅកម្ពុជា ព្រមទាំងបានថ្លែងអំណរគុណចំពោះរាជរដ្ឋាភិបាលកម្ពុជា ដែលបានបង្កលក្ខណៈគ្រប់បែបយ៉ាងចំពោះដំណើរការអាជីវកម្មរបស់ក្រុមហ៊ុនឱ្យដំណើរការដោយរលូននៅកម្ពុជា ។ ជាការឆ្លើយតប សម្តេចធិបតី…

រាជរដ្ឋាភិបាលដាក់ឱ្យដំណើរកាកែប្រែព័ត៌មានក្រុមហ៊ុន/សហគ្រាស និងប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន

រាជរដ្ឋាភិបាល សូមប្រកាសដាក់ឱ្យដំណើរការមុខងារចុះបញ្ជីកែប្រែព័ត៌មានក្រុមហ៊ុន/សហគ្រាស ចំនួន ៥ លើប្រព័ន្ធចុះបញ្ជីអាជីវកម្មតាមរយៈថ្នាលបច្ចេកវិទ្យាព័ត៌មាន (Single Portal) ដែលបានរៀបចំឡើងដោយ ក្រុមការងារអន្តរក្រសួងរៀបចំសេវាអេឡិចត្រូនិកសម្រាប់ធុរកិច្ចរបស់រាជរដ្ឋាភិបាល ។ មុខងារទាំង ៥ នេះរួមមាន ៖ (១) កែប្រែព័ត៌មានលម្អិតអាសយដ្ឋានទីស្នាក់ការចុះបញ្ជី, (២) កែប្រែលក្ខន្តិកៈក្រុមហ៊ុន, (៣) កែប្រែសកម្មភាពអាជីវកម្ម, (៤) តម្កល់ប្រតិវេទន៍ប្រចាំឆ្នាំ និង (៥) កែប្រែព័ត៌មានគណនីធនាគារ ។ ដំណើរការនេះ នឹងត្រូវធ្វើឡើងតាមរយៈប្រព័ន្ធអនឡាញទាំងស្រុង ដោយមិនតម្រូវឱ្យវត្តមានផ្ទាល់នៅទីកន្លែងទៀតទេ ។ សមិទ្ធផលនេះ គឺជាការឆ្លើយតបយ៉ាងឆាប់រហ័សទៅនឹងសំណើរបស់វិស័យឯកជន ដែលរដ្ឋាភិបាល បានប្រកាសដាក់ចេញក្នុងវេទិការាជរដ្ឋាភិបាល-ផ្នែកឯកជនលើកទី ១៩ កាលពីថ្ងៃទី ១៣ ខែ វិច្ឆិកា ឆ្នាំ ២០២៣ កន្លងទៅ ។ សូមលើកទឹកចិត្តឱ្យវិស័យឯកជនចូលរួមប្រើប្រាស់ឱ្យបានពេញលេញនូវសេវានេះ និងផ្តល់នូវមតិ ព្រមទាំងធាតុចូលល្អៗ ដើម្បីឱ្យក្រុមការងារអន្តរក្រសួងរៀបចំសេវាអេឡិចត្រូនិកសម្រាប់ធុរកិច្ច យកមកកែលម្អ សំដៅពង្រឹងឱ្យកាន់តែល្អប្រសើរឡើង ក្នុងការឆ្លើយតបទៅនឹងតម្រូវការប្រើប្រាស់ជាក់ស្តែងរបស់ធុរជន។ សម្រាប់​ព័ត៌មាន​បន្ថែមពាក់ព័ន្ធទៅនឹងមុខងារចុះបញ្ជីកែប្រែព័ត៌មានក្រុមហ៊ុន/សហគ្រាស និងប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន, សូមចូលទៅកាន់គេហទំព័រ www.registrationservices.gov.kh…

កម្ពុជា ទទួលបានប្រព័ន្ធអនុគ្រោះពន្ធ DCTS​ ដើម្បីគាំទ្រដល់កំណើនសេដ្ឋកិច្ចប្រកបដោយចីរភាព​ ពីចក្រភពអង់គ្លេស

FN ៖ ចក្រភពអង់គ្លេស បានសម្រេចផ្តល់ប្រព័ន្ធអនុគ្រោះថ្មីមួយជូនកម្ពុជា ក្នុងគោលបំណងគាំទ្រដល់​កំណើន​សេដ្ឋកិច្ចប្រកបដោយចីរភាព។ ប្រព័ន្ធនុគ្រោះពន្ធថ្មីនេះ មានឈ្មោះថា «UK’s Developing Countries Trading Scheme (DCTS)»។ ក្រសួងពាណិជ្ជកម្ម បានគូសបញ្ជាក់ថា ប្រព័ន្ធអនុគ្រោះពន្ធថ្មីនេះ (DCTS) នឹងផ្ដល់ភាពងាយស្រួលបន្ថែម​ទៀត តាមរយៈការធ្វើសេរីភាវូបនីយកម្មវិធានដើមកំណើតទំនិញ និងការធ្វើសាមញ្ញកម្មលើលក្ខខណ្ឌតម្រូវ។ ក្នុងនោះបានអនុញ្ញាតឱ្យប្រើប្រាស់តម្លៃបន្ថែមក្នុងស្រុក (Local content) ត្រឹម ២៥ភាគរយ (តម្លៃវត្ថុធាតុ​ដើម​​នាំចូល សម្រាប់ប្រើប្រាស់ (Non-originating content) រហូតដល់ ៧៥ភាគរយ) ឬការផ្លាស់ប្តូរ​ចំណាត់​​ថ្នាក់​បន្ទាត់ពន្ធ រហូតដល់៤ខ្ទង់ ទៅ៦ខ្ទង់។ ក្រសួងបានបញ្ជាក់ថា ដើម្បីទទួលបានការអនុគ្រោះពន្ធពីចក្រភពអង់គ្លេស ផលិតករ ឬអ្នកនាំចេញទាំងអស់ ត្រូវអនុវត្តតាម វិធានដើមកំណើតទំនិញរបស់ចក្រភពអង់គ្លេស៕

បញ្ចុះអត្រាអាករនាំចេញលើមុខទំនិញថ្មធម្មជាតិ សម្រួលបន្ទុកក្រុមហ៊ុន និងជួយដល់ការប្រកួតប្រជែងលើទីផ្សារអន្តរជាតិ

ដើម្បីជាការឆ្លើយតបនឹងសំណើរបស់តំណាងក្រុមហ៊ុនធ្វើអាជីវកម្មថ្មធម្មជាតិមួយ ក្នុងពេលចូលរួមពិព័រណ៍អាស៊ាន-ចិន នៅទីក្រុងណាននីង ប្រទេសចិន កាលពីថ្ងៃទី១៧ កញ្ញា កន្លងទៅ និងបានប្រ​គល់ភារកិច្ចដល់ក្រសួងសេដ្ឋកិច្ចនិងហិរញញ្ញវត្ថុ និងក្រសួងរ៉ែនិងថាមពល សម្របសម្រួលកិច្ចប្រជុំជាមួយសមាគមថ្មក្រានីតកម្ពុជានិងក្រុមហ៊ុនអាជីវកម្មថ្មអារ ដើម្បីលើកស្នើជាគោលការណ៍ដល់រាជរដ្ឋាភិបាល, នៅថ្ងៃទី២៩ ខែកញ្ញា ឆ្នាំ២០២៣, សម្ដេចធិបតី ហ៊ុន ម៉ាណែត នាយករដ្ឋមន្ត្រី បានចុះហត្ថលេខាលើអនុក្រឹត្យស្ដីពីការកែសម្រួលអត្រាអាករនាំចេញលើមុខទំនិញថ្មធម្មជាតិ។ អនុក្រឹត្យ មានគោលដៅជួយសម្រាលបន្ទុកក្រុមហ៊ុននាំចេញថ្មធម្មជាតិ និងជួយដល់ការប្រកួតប្រជែងនៃផលិតផលថ្មធម្មជាតិរបស់ខ្មែរ នៅលើទីផ្សារអន្តរជាតិ។

សម្តេច ធិបតី ហ៊ុន ម៉ាណែត៖ “មិនមែនជាប្រទេសមាន ប៉ុន្តែរាជរដ្ឋាភិបាលកម្ពុជាមិនខ្វះទឹកចិត្ត ជួយប្រជាពលរដ្ឋខ្លួនទេ”

តាមរបាយការណ៍ប្រចាំថ្ងៃរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា សម្រាប់ថ្ងៃទី២៨ ខែកញ្ញា ឆ្នាំ២០២៣ បានឲ្យដឹងពីទិន្នន័យសាច់ប្រាក់ដែលរាជរដ្ឋាភិបាលបានបញ្ចេញដើម្បីជួយទៅដល់មុខសញ្ញាអាទិភាព ៣ ធំៗ រួមមាន៖ (ក) គ្រួសារក្រីក្រ និងងាយរងគ្រោះក្នុងអំឡុងពេលកូវីដ-១៩ ចាប់ពីថ្ងៃទី២៤ ខែមិថុនា ឆ្នាំ២០២០ ស្មើរយៈពេល ៣៩ខែ ដល់ ៤៣៧ ៧៣១ គ្រួសារ ស្មើនឹងប្រជាជន ២លាន ៧សែននាក់ ចំណាយអស់ ៤ ៨០៥ ៨០១ ៦៩៩ ០០០ រៀល ឬជិត ១ពាន់ ២០០លានដុល្លារ (ខ) ស្រ្តីមានផ្ទៃពោះ និងកុមារក្រោមអាយុ២ឆ្នាំ អនុវត្តពីថ្ងៃទី១ ខែមិថុនា ឆ្នាំ២០១៩ មកដល់ពេលនេះ ដល់ ៣៣៩ ៩៧៧ នាក់ ចំណាយអស់ ១១០ ៤០១ ២០០ ០០០ រៀល ឬជិត ២៧លានដុល្លារ និង…

សម្ដេចធិបតី ហ៊ុន ម៉ាណែត៖ “… ប្រាក់ឈ្នួលអប្បបរមាថ្មីសំរាប់ឆ្នាំ២០២៤ គឺ ២០៤ ដុល្លារក្នុងមួយខែ”

តាមខ្លឹមសារទទួលបានពីបណ្តាញសង្គមផ្លូវការនាថ្ងៃ២៨ កញ្ញា ២០២៤, សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានសរសេរថា “ខ្ញុំបានសម្រេចបន្ថែម ២ដុល្លារក្នុង១ខែ ទៅលើតួលេខ ២០២ដុល្លា ដែលជាលទ្ធផលបោះឆ្នោតរបស់ក្រុមប្រឹក្សាជាតិស្តីពីប្រាក់ឈ្នួលអប្បបរមា … ដូចនេះ ប្រាក់ឈ្នួលអប្បបរមាថ្មីសម្រាប់ឆ្នាំ២០២៤ គឺ ២០៤ដុល្លារក្នុងមួយខែ។ សម្តេចធិបតីបន្តថា “ខ្ញុំបានតាមដានយ៉ាងយកចិត្តទុកដាក់លើការពិភាក្សាប្រាក់ឈ្នួលអប្បបរមានេះតាំងពីពេលចាប់ផ្តើម។ ការជួយលើកកម្ពស់ជីវភាពរស់នៅរបស់ប្រជាពលរដ្ឋ រួមទាំងបងប្អូនកម្មករនិយោជិតគឺជា​អាទិភាពខ្ពស់បំផុតរបស់រាជរដ្ឋាភិបាល។ ឈរលើមូលដ្ឋាននៃលទ្ធភាពជាក់ស្តែងដែលរាជរដ្ឋាភិបាលអាចសម្រួលជូនទៅភាគីនិយោជក ខ្ញុំបានសម្រេចបន្ថែម ២ដុល្លារ ទៅលើតួលេខ ២០២ដុល្លារ ដែលជាលទ្ធផលបោះឆ្នោតរបស់ក្រុមប្រឹក្សាជាតិប្រាក់ឈ្នួលអប្បបរមាខាងលើ …”។ “ខ្ញុំ … នឹងបន្តជម្រុញដល់ក្រសួង ស្ថាប័ន អាជ្ញាធរពាក់ព័ន្ធពិនិត្យតាមដាន និងដាក់វិធានការបន្ថែម ដើម្បីពិនិត្យលទ្ធភាពកាត់បន្ថយបន្ទុកចំណាយរបស់បងប្អូនកម្មករនិយោជិត។ ទន្ទឹមនឹងនេះ ខ្ញុំនឹងដឹកនាំកិច្ចប្រ​ជុំជាមួយវិស័យឯកជនមួយនៅខែវិច្ឆិកាខាងមុខ ដើម្បីកែលម្អបរិយាកាសវិនិយោគ និងការធ្វើធុរកិច្ចនៅកម្ពុជា សំដៅបង្កើនភាពប្រកួតប្រជែង និងទាក់ទាញទុនវិនិយោគបន្ថែម និងបង្កើតការងារថ្មីៗ ជូនប្រជាពលរដ្ឋ” សម្តេ​ចធិបតី នាយករដ្ឋមន្ត្រីបានបញ្ជាក់៕

កម្ពុជាទទួលបានភ្ញៀវអន្តរជាតិ ៣.៥លាននាក់ ភ្ញៀវជាតិ១២លាននាក់ ក្នុងរយៈពេល៨ខែ ឆ្នាំ២០២៣

FN ៖ រយៈពេល៨ខែ ឆ្នាំ២០២៣ កម្ពុជាបានភ្ញៀវទទួលទេសចរអន្តរជាតិជាង ៣.៥លាននាក់ កើនឡើង ២៥០.៨% រីឯភ្ញៀវទេសចរជាតិមានប្រមាណ១២.៣៨លាននាក់ កើនឡើង ៦២.៥% ធៀបនឹងរយៈពេលដូចគ្នា នៅឆ្នាំ២០២២។ នេះបើតាមសារលិខិតអបអរសាទរទិវាទេសចរណ៍ពិភពលោកឆ្នាំ២០២៣ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ក្នុងសារលិខិតដដែលនោះ សម្ដេចធិបតីនាយករដ្ឋមន្ត្រីបានបញ្ជាក់ថា ក្នុងមួយទសវត្សរ៍ចុងក្រោយនេះ វិស័យទេសចរណ៍កម្ពុជាបានរីកលូតលាស់គួរជាទីមោទកៈ។ ប៉ុន្តែជាអកុសល ការរីកចម្រើនវិស័យនេះត្រូវបានបង្អាក់ស្ទើរ តែទាំងស្រុង ក្នុងរយៈពេលជាង៣ឆ្នាំចុងក្រោយ ដោយសារវិបត្តិនៃជំងឺកូវីដ-១៩ដែលបានជះឥទ្ធិពលអវិជ្ជមាន និងបង្កផលប៉ះពាល់យ៉ាងធ្ងន់ធ្ងរដល់ការអភិវឌ្ឍសង្គម-សេដ្ឋកិច្ចនៅទូទាំងសកលលោក។ ជាការកត់សម្គាល់ វិស័យទេសចរណ៍បានរងផលប៉ះពាល់ធ្ងន់ធ្ងរជាងគេ ដែលបានដាក់សម្ពាធយ៉ាងខ្លាំងដល់ប្រតិបត្តិករជាច្រើននៅក្នុងវិស័យនេះ។ក្រោមការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្ត្រី កម្ពុជាបានក្លាយជាប្រទេសដំបូងគេនៅក្នុងតំបន់ ដែលបានបើកប្រទេសពេញលេញលើគ្រប់វិស័យប្រកបដោយសុវត្ថិភាព ដោយផ្តល់នូវភាពអំណោយផល ដល់ការស្តារ និងលើកស្ទួយវិស័យទេសចរណ៍កម្ពុជាឱ្យងើបឡើងវិញនៅក្នុងល្បឿនលឿនគួរឱ្យកត់សម្គាល់។ ជាលទ្ធផល រយៈពេល៨ខែ ឆ្នាំ២០២៣ កម្ពុជាបានភ្ញៀវទទួលទេសចរអន្តរជាតិជាង៣.៥លាននាក់ កើនឡើង ២៥០.៨% រីឯភ្ញៀវទេសចរជាតិមានប្រមាណ១២.៣៨លាននាក់ កើនឡើង ៦២.៥% ធៀបនឹងរយៈពេលដូចគ្នានៅឆ្នាំ២០២២។សម្ដេចធិបតីបានបន្តថា ឆ្នាំ២០២៣នេះ ក្រោមយុទ្ធនាការឆ្នាំទស្សនាកម្ពុជា ២០២៣ (Visit Cambodia Year 2023)…

សម្តេចធិបតី ផ្តល់អនុសាសន៍ ៥ ដល់កីឡាករ/ការិនីចូលរួមព្រឹត្តិការណ៍កីឡាអាស៊ីលើកទី១៩ នៅ ហានចូវ សាធារណរដ្ឋប្រជាមានិតចិន

វិមានសន្តិភាព រសៀលថ្ងៃពុធ ទី២០ ខែកញ្ញា ឆ្នាំ២០២៣ ក្នុងពិធីជួបសំណេះសំណាលជាមួយប្រតិភូកីឡា កីឡាករ កីឡាការនី កម្ពុជាទៅចូលរួមប្រកួតកីឡាអាស៊ីលើកទី១៩ នៅទីក្រុង ហាន់ចូវ សាធារណរដ្ឋប្រជាមានិតចិន, បន្ទាប់ពីជូនការផ្ដាំផ្ញើសួរសុខទុក្ខពីសំណាក់សម្ដេចអគ្គមហាសេនាបតីតេជោ ហ៊ុន សែន និងជូនពរដល់កីឡាករនិងកីឡាការនីទទួលបានជោគជ័យក្នុងព្រឹត្តិការណ៍កីឡាអាស៊ីលើកទី១៩, សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានផ្តល់អនុសាសន៍មួយចំនួនដល់កីឡាករនិងកីឡាការិនី សម្រាប់ការត្រៀមលក្ខណៈប្រកួត ថា ទី១ ត្រូវបន្តហ្វឹកហាត់និងថែបំប៉នសុខភាពឱ្យបានល្អ, ទី២ ប្រកាន់ខ្ជាប់វិន័យ ក្រមសីលធម៌ជាកីឡាករ និងកីឡាការិនី និងជាមិត្តល្អ ដើម្បីបង្កើតនូវការចងចាំល្អ ព្រោះអត្តពលិកកម្ពុជាម្នាក់ៗ សុទ្ធសឹងតែជាអង្គទូតតំណាងឱ្យកម្ពុជា, ទី៣ ចៀសវាងដាច់ខាតការប្រើប្រាស់សារធាតុហាមឃាត់និងខុសពីបទវិន័យកីឡា, ទី៤ រក្សាសាមគ្គីភាពនិងជួយគ្នាទៅវិញទៅមកដូចជាសុភាសិត «នៅផ្ទះម្តាយ​ទីទៃ នៅព្រៃម្តាយតែមួយ» និង ទី៥ បន្តបង្កើនសាមគ្គីភាព និងមិត្តភាពជាមួយអត្តពលិកនៃបណ្តាប្រទេសនា​នា ក្រោមគោលការណ៍ “ឈ្នះគឺជាការបង្កើនមិត្តច្រើន និងឈរលើក្រមសីលធម៌ល្អ”។ ជាមួយគ្នានោះ សម្តេចធិបតី បានភាពរំលឹកពីកត្តាដែលនាំអោយកម្ពុជាសំរេចបានជោគជ័យក្នុងការរៀបចំព្រឹត្តិ​ការណ៍កីឡាអាស៊ីអាគ្នេយ៍លើកទី៣២ និងកីឡាអាស៊ានប៉ារ៉ាហ្គេមលើកទី១២ មានដូចជា ទី១ ការយកចិត្តទុក​ដាក់ខ្ពស់ចំពោះការរៀបចំដែលបានឆ្លុះបញ្ចាំងតាមរយៈស្តង់ដារនៃការប្រកួត, ពិធីបើក, ពិធីបិទ,…

សម្តេចធិបតី នាយករដ្ឋមន្ត្រី៖ “រមនីយ៍ដ្ឋានប្រាសាទកោះកេរ” រក្សាបានសុចរិតភាព និងភាពដើមពិតៗ មានតម្លៃលេចធ្លោជាសកលពេញលេញ”

ក្នុងសារលិខិតទូលថ្វាយព្រះករុណា សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ចុះថ្ងៃទី ១៧ ខែកញ្ញា ឆ្នាំ ២០២៣ ពីការសំរេចជាឯកច្ឆ័ន្ទនៃគណៈFor កម្មាធិការបេតិកភណ្ឌពិភពលោក ចុះបញ្ជី “រមណីយ៍ដ្ឋានប្រាសាទកោះកេរ” ជាបេតិកភណ្ឌពិភពលោក សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានលើកឡើងថា “រមណីយ៍ដ្ឋានប្រាសាទកោះកេរ” រក្សាបាននូវសុច្ចរិតភាព(integrity)និងភាពដើមពិត(authenticity) មានតម្លៃលេចធ្លោជាសកលពេញលេញ” ដែលការចុះបញ្ជីនេះ គឺជាមោទនភាពជាតិដ៏ធំធេងថ្មីមួយទៀត បន្ទាប់ពីតំបន់រមណីយ៍ដ្ឋានអង្គរ ប្រាសាទព្រះវិហារ និងតំបន់ប្រាសាទសំបូរព្រៃគុក ត្រូវបានចុះក្នុងបញ្ជីបេតិកភណ្ឌពិភពលោកជាបន្តបន្ទាប់នៅឆ្នាំ ១៩៩២ ឆ្នាំ ២០០៨ និង ២០១៧។ ក្នុងសារលិខិតចុះថ្ងៃតែមួយ ផ្ញើជូនជនរួមជាតិកម្ពុជា សម្តេចធិបតី នាយករដ្ឋមន្ត្រី បានថ្លែងរៀបរាប់អំពីដំណើរការដ៏លំបាកនិងស្មុគ្រស្មាញ ជាពិសេសការរៀបចំឯកសារ ការត្រួតពិនិត្យ និងវាយតម្លៃដោយអ្នកជំ​នាញការជាតិនិងអន្តរជាតិ ក្នុងដំណាក់កាលដែលកម្ពុជាក៏ដូចជាពិភពលោកទាំងមូលកំពុងប្រយុទ្ធនឹងជំងឺកូវីដ១៩ ដោយចាត់ទុកថាការប្រឹងប្រែងយ៉ាងស្វិតស្បាញទាំងនោះបានបង្ហាញនូវឆន្ទៈដ៏មោះមុតរបស់រាជរដ្ឋាភិបាលកម្ពុជា ក្នុងការបញ្ជាក់ពីតម្លៃដ៏មហាសាលនៃសម្បត្តិវប្បធម៌របស់កម្ពុជា រហូតសម្រេចបានជាការចុះបញ្ជី “រមណីយ៍ដ្ឋានកោះកេរ” ក្នុងបញ្ជីបេតិកភណ្ឌពិភពលោក។ សម្តេចធិបតី បន្តថា មហាសមិទ្ធផលនេះជាកិត្យានុភាពថ្មីមួយទៀតរបស់ជាតិក្នុងឆាកអន្តរជាតិ ដែលកើតចេញពីកិច្ចខិតខំប្រឹងប្រែងប្រកបដោយវិរិយភាពជាប់មិនដាច់ និងឥតរាថយរបស់រាជរដ្ឋាភិបាលកម្ពុជា ក្រោមម្លប់នៃសុខសន្តិភាព ដែលជាសមិទ្ធផលនៃនយោបាយឈ្នះឈ្នះរបស់ សម្តេចអគ្គមហាសេនាបតីតេជោ…

ប្រធានាធិបតីសាធារណរដ្ឋកូរ៉េសន្យាបង្កើនកូតាសម្រាប់ពលករកម្ពុជា និងជំរុញវិនិយោគកូរ៉េមកកាន់កម្ពុជា

នាល្ងាចថ្ងៃព្រហស្បតិ៍ ៧រោច ខែស្រាពណ៍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី៧ ខែកញ្ញា ឆ្នាំ២០២៣, នៅរដ្ឋធានីហ្សាការតា សម្តេចធិបតី ហ៊ុន ម៉ាណែតបានសម្តែងនូវការសោកស្ដាយ និងរំលែកទុក្ខចំពោះការបាត់បង់ឪពុករបស់ឯកឧត្តម យូន ស៊ក យ៉ល (Yoon Sok Yeol) ប្រធានាធិបតី នៃសាធារណរដ្ឋកូរ៉េ ហើយបានពាំនាំនូវការផ្តាំផ្ញើសួរសុខទុក្ខ និងក្តីនឹករលឹកពីសំណាក់ សម្តេចតេជោ ជូនចំពោះឯកឧត្តម ក៏ដូចជាប្រជាជនកូរ៉េ។ ជាការឆ្លើយតប ឯកឧត្តមយូនស៊កយ៉លបានកោតសរសើរ និងវាយតម្លៃខ្ពស់ចំពោះប្រជាជនកម្ពុជា និង សម្តេចតេជោ ដែលបានព្យាយាមរក្សា និងពង្រឹងចំណងការទូតជាមួយកូរ៉េ ហើយមានជំនឿយ៉ាងមុតមាំលើការដឹកនាំរបស់សម្ដេចធិបតី។ ជាមួយគ្នានេះ រដ្ឋាភិបាលកូរ៉េអរគុណចំពោះកម្ពុជាដែលបានគាំទ្របេក្ខភាពកូរ៉េ ក្នុងការធ្វើជាម្ចាស់ផ្ទះរៀបចំពិព័រណ៍ពិភពលោក ឆ្នាំ២០៣០ នៅទីក្រុងប៊ូសានផងដែរ។ ថ្នាក់ដឹកនាំទាំងពីរ​ក៏បានឯកភាពពង្រឹង និងពង្រីកកិច្ចសហប្រតិបត្តិការបន្ថែមទៅលើការវិនិយោគ, ពាណិជ្ជកម្ម, កសិកម្ម, សុខភាពសាធារណៈ, ការពារជាតិ និងការតភ្ជាប់រវាងប្រជាជន និង​ប្រជាជន។ សម្តេចធិបតី បានអរគុណដល់ការយកចិត្តទុកដាក់របស់រដ្ឋាភិបាលកូរ៉េ ចំពោះពលករកម្ពុជា ដែលកំពុងស្នាក់នៅ និងធ្វើការងារនៅកូរ៉េ ហើយដែលឯកឧត្តមប្រធានាធិបតីកូរ៉េបានសន្យានឹងពិចារណាបង្កើនកូតាសម្រាប់ពលករកម្ពុជា…