ប្រសាសន៍របស់សម្ដេចបវរធិបតី ហ៊ុន ម៉ាណែត ក្នុងពិធី “សំណេះសំណាល និងពិសាភោជនាហារសាមគ្គី ជាមួយសហគ្រិន ត្រកូលលីន ពិភពលោក”
ឯកឧត្តម លោកជំទាវ សមាជិក–សមាជិកា រាជរដ្ឋាភិបាល;Tan Sri Dato Lim Soon Peng ស្ថាបនិកសភាពាណិជ្ជកម្មត្រកូលលីនពិភពលោកលោក លឹម ស៊ីងហ្វា ប្រធានសមាគមពាណិជ្ជកម្មត្រកូលលីនពិភពលោកបណ្ឌិត ឆាយ ស៊ីណាត ប្រធានសមាគម ត្រកូលលីននៅកម្ពុជាសមាជិក សមាជិកា ពាណិជ្ជករ ត្រកូលលីនទាំងអស់ជាទីមេត្រី! ខ្ញុំមានសេចក្តីសោមនស្ស ដែលបានចូលរួមជាលើកទី ១ ក្នុងកម្មវិធីសំណេះសំណាល និងពិសាភោជនាហារសាមគ្គីពាណិជ្ជករត្រកូលលីនពិភពលោក ដែលរៀបចំឡើងដោយសភាពាណិជ្ជកម្មត្រកូលលីនពិភពលោក និង សមាគមពាណិជ្ជកម្មត្រកូលលីននៅកម្ពុជា នារាត្រីនេះ ។ ឆ្លៀតឱកាសនេះ ខ្ញុំសូមអបអរសាទរ និងកោតសសើរដល់ អ្នកឧកញ៉ា តាន់ស្រ៊ី លីម ស៊ុនផេង លោកអគ្គប្រធាន លីម ស៊ីងហ្វា លោកប្រធាន បណ្ឌិត ឆាយ ស៊ីណាត និងក្រុមការងារទាំងអស់ ដែលបានស្វះស្វែង និងខិតខំប្រឹងប្រែងក្នុងការរៀបចំនូវកម្មវិធីនេះឡើង ដែលមិនត្រឹមតែផ្តល់ឱកាសក្នុងការពង្រឹង និងពង្រីកកិច្ចសហប្រតិបត្តិការលើវិស័យពាណិជ្ជកម្ម និងវិនិយោគរបស់ខ្លួន ប៉ុន្តែក៏ជាការផ្សព្វផ្សាយបន្ថែមដល់ធុរជនជាតិ និងអន្តរជាតិ អំពីសក្ដានុពល និងឱកាសវិនិយោគនៅកម្ពុជា។ ឆ្លៀតក្នុងឱកាសនេះ…