ក្រុមការងារTYDA នាំយកសម្ភារបរិក្ខាពេទ្យ និងសម្ភារប្រើប្រាស់មួយចំនួន ទៅប្រគល់ជូន រដ្ឋបាលសាលាខេត្តព្រៃវែង

សមាគមធីតា

ព្រឹកថ្ងៃទី២៥ ខែសីហា ឆ្នាំ២០២៣ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានចាត់ក្រុមការងារសមាគមគ្រូពេទ្យស្ម័គ្រចិត្តយុវជនសម្តេចតេជោ TYDA នាំយកសម្ភារបរិក្ខាពេទ្យ និងសម្ភារប្រើប្រាស់មួយចំនួន ទៅប្រគល់ជូន រដ្ឋបាលសាលាខេត្តព្រៃវែង សម្រាប់ប្រើប្រាស់ទៅតាមតម្រូវការជាក់ស្តែង មានជាអាទ៍៖១. សម្ភារបរិក្ខារពេទ្យ(ចំរុះ)ចំនួន ២០០កេស ២. ខ្នើយចំនួន ១០០ ខ្នើយ ៣. ស្រោមដៃចំនួន ២៥.០០០ គូរ ៤. អាវការពាររោគកម្រិត២ចំនួន ១៥.០០០ អាវ ៥. ឈើច្រត់រៀនដើរចំនួន ៣០ សម្រាប់ ៦. ជើងរៀនដើរមានកង់ចំនួន ១០ សម្រាប់ ឯកឧត្តម ហ៊ី ធួក អភិបាលរងនៃគណៈអភិបាលខេត្តព្រៃវែង តាងនាមឱ្យថ្នាក់ដឹកនាំ មន្រ្តីរាជការគ្រប់លំដាប់ថ្នាក់ នៃរដ្ឋបាលខេត្តព្រវែង បានធ្វើការគោរពថ្លែងអំណរគុណចំពោះឯកឧត្តមកិត្តិទេសាភិបាលបណ្ឌិត និងលោកជំទាវបណ្ឌិត ដែលជានិច្ចកាលតែងគិតគូរយកចិត្តទុកដាក់ក្នុងការថែទាំសុខភាពរបស់ប្រជាពលរដ្ឋ។ ទន្ទឹមនេះ ឯកឧត្តម ក៏បានគោរពជូនពរលោកទាំងទ្វេ ក្នុងការបន្ដដឹកនាំព្រះរាជាណាចក្រកម្ពុជា ឆ្ពោះទៅកាន់សុខសន្តិភាព វឌ្ឍនភាព…

កម្មការិនី ទួលបានការវះកាត់ដោយជោគជ័យនៅមន្ទីរពេទ្យមិត្តភាពកម្ពុជាចិនព្រះកុសុមៈ

សមាគមធីតា

តាមរយៈបេសកកម្ម TYDA បានចុះពិនិត្យ និងព្យាបាលជំងឺជូនកម្មករ កម្មការិនី បុគ្គលិកប្រកបរបរក្រៅប្រព័ន្ធ និងប្រជាពលរដ្ឋ ដោយឥតគិតថ្លៃស្ថិតនៅសង្កាត់គោកឃ្លាង ខណ្ឌសែនសុខ រាជធានីភ្នំពេញ កាលពីថ្ងៃទី១១ ខែមិថុនា ឆ្នាំ២០២៣ ។ ប្អូនស្រី សែម សុផាន់ណា អាយុ ៤០ឆ្នាំ រស់នៅក្នុងខណ្ឌសែនសុខ រាជធានីភ្នំពេញ បានរងគ្រោះថ្នាក់បាក់ជើង វះកាត់ដាក់ដែកនាពេល កន្លងមក តែមិនទាន់បានវះកាត់ដកដែកចេញវិញ ដោយសារខ្វះលទ្ធភាព ។ នៅពេលនេះគាត់ ទទួលបានការវះកាត់យកដែកចេញ ដោយជោគជ័យនៅមន្ទីរពេទ្យមិត្តភាពកម្ពុជាចិនព្រះកុសុមៈ និង អាចអនុញ្ញាតឲ្យគាត់ចេញទៅផ្ទះហើយ ។ ការចំណាយទាំងអស់ក្នុងការព្យាបាល វះកាត់ និងការស្នាក់នៅហូបចុកក្នុងពេលព្យាបាល ត្រូវបានជួយឧបត្ថម្ភដោយ ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី ។

ក្រុមគ្រូពេទ្យឯកទេសរបស់សមាគម TYDA វះកាត់ទ្រនាប់ឆ្អឹងកងចង្កេះ

សមាគមធីតា

ប្អូនប្រុស ដុង សុភា អាយុ ៣២ឆ្នាំ មានបញ្ហាលៀនទ្រនាប់ឆ្អឹងកងចង្កេះ បណ្តាលឱ្យមានការឈឺចាប់ខ្លាំងជាយូរឆ្នាំមកហើយ ។ ប្អូនប្រុស បានទទួលការយកចិត្តទុកដាក់ដ៏ខ្ពង់ខ្ពស់បំផុតពីសំណាក់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី ហើយត្រូវបានបញ្ជូនមកព្យាបាល និងវះកាត់ដោយក្រុមគ្រូពេទ្យឯកទេសរបស់សមាគម TYDA នៅគ្លីនិកក្តីសង្ឃឹមនៃយេរេមា (JH) ។ បច្ចុប្បន្ន អាការរបស់ប្អូនប្រុសចាប់ផ្ដើមស្រស់បស់ឡើងវិញពីមួយថ្ងៃទៅមួយថ្ងៃ ហើយក៏ត្រូវបានអនុញ្ញាតឱ្យត្រលប់ទៅផ្ទះវិញផងដែរ។ ការចំណាយទាំងអស់ទាំងក្នុងការព្យាបាល វះកាត់ ការស្នាក់នៅ និងហូបចុក គឺឧបត្ថម្ភទំនុកបម្រុងដោយ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី ។

គ្រូពេទ្យស្ម័គ្រចិត្តចុះអប់រំសុខភាពសហគមន៍ក្រីក្រ ជួយអ្នកជំងឺដំបៅជើងរលួយរ៉ាំរ៉ៃ

សមាគមធីតា

អ៊ំស្រី រស់ សុខុម អាយុ ៥៧ឆ្នាំ រស់នៅខណ្ឌព្រែកព្នៅរាជធានីភ្នំពេញ មានដំបៅជើងរលួយរ៉ាំរ៉ៃ និងឆ្លងមេរោគ ដែលបណ្តាលមកពីជំងឺទឹកនោមផ្អែម ហើយគ្រប់គ្រងជាតិស្ករមិនបានល្អ ព្រោះមានជីវភាពខ្វះខាត ។ ក្រោយពីគ្រូពេទ្យស្ម័គ្រចិត្តចុះអប់រំសុខភាពសហគមន៍ក្រីក្រកាលពីថ្ងៃទី០៧ ខែកក្កដា ឆ្នាំ២០២៣ កន្លងមក បានឃើញ និងស្នើសុំអន្តរាគមន៍ពីក្រុមគ្រូពេទ្យស្ម័គ្រចិត្តយុវជនសម្ដេចតេជោ (TYDA) ដើម្បីជួយព្យាបាលអ៊ំស្រី ។ ដោយទទួលបានការយកចិត្តទុកដាក់ដ៏ខ្ពង់ខ្ពស់របស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី, អ៊ំស្រី រស់ សុខុម ត្រូវបានបញ្ជូនមកព្យាបាលវះកាត់ តាមដានកម្រិតជាតិស្ករ នៅមន្ទីរពេទ្យមិត្តភាពកម្ពុជា-ចិន ព្រះកុសមៈ ។ តាមរយៈការយកចិត្តទុកដាក់ខ្ពស់ពីសំណាក់ក្រុមគ្រូពេទ្យជំនាញ ការវះកាត់ទទួលបានជោគជ័យ ហើយកម្រិតជាតិស្កររបស់អ៊ំស្រីត្រូវគ្រប់គ្រងបានល្អប្រសើរ ដែលបច្ចុប្បន្ន អ៊ំស្រីត្រូវបានអនុញ្ញាតឱ្យចាកចេញពីមន្ទីរពេទ្យ និងបន្តតាមដានយ៉ាងទៀងទាត់ជាមួយក្រុមគ្រូពេទ្យយើង ។ ការចំណាយទាំងអស់ទាំងក្នុងការព្យាបាល វះកាត់ ការស្នាក់នៅ និងហូបចុក គឺបានឧបត្ថម្ភទំនុកបម្រុងដោយ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី ។