(FN)៖ក្នុងជំនួបជាមួយរដ្ឋមន្ត្រីការបរទេស និងការពារជាតិរបស់ចិន ក្រៅពីពិភាក្សាលើការជំរុញទំនាក់ទំនង និងកិច្ចសហប្រតិបត្តិការទ្វេភាគីហើយនោះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក៏បានលើកពីបញ្ហាជម្លោះព្រំដែនរវាងកម្ពុជា និងថៃផងដែរ។ សម្តេចមហាបវរធិបតី បានប្រាប់រដ្ឋមន្ត្រីការបរទេស និងរដ្ឋមន្ត្រីការពារជាតិរបស់ចិនថា ការដោះស្រាយ បញ្ហាព្រំដែនជាមួយថៃ គឺផ្អែកលើច្បាប់ អន្តរ ជាតិ និងអនុលោមតាមអនុសញ្ញា សន្ធិសញ្ញា និងកិច្ចព្រមព្រៀងទ្វេភាគីដែលកម្ពុជា និងថៃ បានធ្វើជាមួយគ្នា។
លោក វ៉ាង យី រដ្ឋមន្ត្រីការបរទេសចិន និងនាយឧត្តមនាវី តុង ជុន រដ្ឋមន្ត្រីការពារជាតិរបស់ចិន នៅរសៀលថ្ងៃពុធ ទី២២ ខែមេសា ឆ្នាំ២០២៦នេះ បន្ទាប់ពីអញ្ជើញដល់ប្រទេសកម្ពុជាភ្លាម ក៏បានអញ្ជើញជួបសម្តែងការគួរសម និងពិភាក្សាការងារជាមួយសម្តេចមហាបវរធិបតី ហ៊ុន ម៉ាណែត នៅវិមានរាជរដ្ឋាភិបាល។
ក្នុងជំនួបដែលអមដោយរដ្ឋមន្ត្រីការបរទេស និងរដ្ឋមន្ត្រីការពារជាតិរបស់ កម្ពុជាផងដែរ នោះ លោក វ៉ាង យី និងនាយឧត្តមនាវី តុង ជុន បានថ្លែងអំណរគុណយ៉ាងជ្រាលជ្រៅ ចំពោះ ការ ទទួលស្វាគមន៍យ៉ាងកក់ក្ដៅរបស់កម្ពុជា ព្រមទាំងបានពាំនាំនូវការផ្ដាំផ្ញើសាក សួរ សុខ ទុក្ខពី សំណាក់លោក ស៊ី ជីនពីង ប្រធានាធិបតី និងលោក លី ឈាង នាយករដ្ឋមន្ត្រីចិន ជូនចំពោះសម្ដេចមហាបវរធិបតីផងដែរ។
លោក វ៉ាង យី បានវាយតម្លៃខ្ពស់ចំពោះការអភិវឌ្ឍយ៉ាងឆាប់រហ័ស និងប្រកបដោយ ថាម វន្តរបស់ កម្ពុជា។ លោករដ្ឋមន្ត្រី ក៏បានអបអរសាទរសម្ដេចមហាបវរធិបតី ដែលបានដឹក នាំប្រទេសឱ្យសម្រេចបាននូវសន្ទុះអភិវឌ្ឍន៍លើគ្រប់វិស័យ។ ជាមួយគ្នានេះ លោករដ្ឋ មន្ត្រី បានគូសបញ្ជាក់ពីទំនាក់ទំនងមិត្តភាពដ៏រឹងមាំ និងយូរអង្វែង ដែលបានឈាន ដល់ កម្រិត នៃការកសាងសហគមន៍វាសនារួមកម្ពុជា-ចិន គ្រប់រដូវកាលក្នុងយុគសម័យថ្មី។ លោក វ៉ាង យី បានគូសបញ្ជាក់ផងដែរថា ការអញ្ជើញចូលរួមរបស់លោក និងនាយ ឧត្តម នាវី តុង ជុន ក្នុងយន្តការកិច្ចសន្ទនាយុទ្ធសាស្ត្រ ២+២ នាពេលនេះ គឺជាការអនុវត្តតាម ស្មា រតីកុងសង់ស៊ីសរបស់ថ្នាក់ដឹកនាំនៃប្រទេសទាំងពីរ ដើម្បីជំរុញការអភិវឌ្ឍ ការលើក កម្ពស់ជីវភាពប្រជាជន និងការពង្រឹងកិច្ចសហប្រតិបត្តិការទ្វេភាគី ឱ្យកាន់តែស៊ីជម្រៅ បន្ថែមទៀត។
ជាការឆ្លើយតប, សម្ដេចមហាបវរធិបតីប្រមុខរាជរដ្ឋាភិបាលកម្ពុជា បានសម្ដែងការ ស្វាគមន៍យ៉ាងកក់ក្ដៅចំពោះលោក វ៉ាង យី នាយឧត្តមនាវី តុង ជុន និងគណៈប្រតិភូ ដែលបានអញ្ជើញបំពេញទស្សនកិច្ចនៅកម្ពុជា នាឱកាសនេះ។ សម្ដេចមហាបវរ ធិបតី ក៏បានផ្ដាំផ្ញើនូវការសាកសួរសុខទុក្ខជូនចំពោះលោកប្រធានាធិបតី ស៊ី ជីនពីង និង នាយករដ្ឋមន្ត្រី លី ឈាង។
សម្ដេចមហាបវរធិបតី បានអបអរសាទរសមិទ្ធផលដ៏អស្ចារ្យដែលប្រទេស ចិនសម្រេច បាន ព្រមទាំងបានថ្លែងអំណរគុណយ៉ាងជ្រាលជ្រៅចំពោះមិត្តចិន ដែលតែងតែយក ចិត្ត ទុក ដាក់ខ្ពស់បំផុតក្នុងការថែទាំ ព្យាបាលព្រះរោគ និងផ្តល់បដិសណ្ឋារកិច្ចកក់ក្តៅថ្វាយ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជា ណាចក្រកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរ។
ជាមួយគ្នានេះ សម្ដេចមហាបវរធិបតី ក៏បានវាយតម្លៃខ្ពស់ចំពោះ ការរីកចម្រើន នៃទំនាក់ ទំនងទ្វេភាគី ដែលជាដៃគូយុទ្ធសាស្រ្តគ្រប់ជ្រុងជ្រោយ និងជាមិត្តដែកថែប ព្រមទាំង បាន និងកំពុងខិតខំកសាងសហគមន៍វាសនារួមកម្ពុជា-ចិន គ្រប់រដូវកាល ក្នុងយុគ សម័យ ថ្មី។
សម្ដេចមហាបវរធិបតី បានគូសរំលេចជាថ្មីនូវការប្តេជ្ញាចិត្តរបស់កម្ពុជា ក្នុងការបន្តពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរ លើគ្រប់វិស័យ ឱ្យកាន់តែស៊ីជម្រៅ បន្ថែម ទៀត។ សម្តេចមហាបវរធិបតី ក៏បានបញ្ជាក់ជាថ្មីនូវការប្រកាន់ខ្ជាប់ ឥតងាករេ របស់ កម្ពុជានូវគោលការណ៍ចិនមួយ និងបានថ្លែងអំណរគុណចំពោះរដ្ឋា ភិបាល និងប្រជា ជនចិន ដែលបានរួមចំណែកក្នុងការអភិវឌ្ឍសង្គម-សេដ្ឋកិច្ចកម្ពុជា និងការលើកកម្ពស់ ជីវភាព រស់នៅរបស់ប្រជាជនកម្ពុជា។
សម្ដេចមហាបវរធិបតី និងលោក វ៉ាង យី រួមជាមួយនាយឧត្តមនាវី តុង ជុន បានពិភាក្សា អំពីការជំរុញកិច្ចសហប្រតិបត្តិការលើវិស័យសំខាន់ៗ រួមមាន៖ នយោបាយ, សេដ្ឋកិច្ច ពាណិជ្ជកម្ម និងការវិនិយោគ, ការពារជាតិ និងសន្តិសុខ, ថាមពលស្អាត, ការកសាង ហេដ្ឋា រចនាសម្ព័ន្ធដឹកជញ្ជូន, និងកសិកម្ម ជាដើម។ សម្ដេចមហាបវរធិបតី លោក វ៉ាង យី និងនាយឧត្តមនាវី តុង ជុន ក៏បានបន្តផ្លាស់ប្ដូរយោបល់អំពីការជំរុញកិច្ចសហ ប្រតិ បត្តិការរវាងប្រទេសទាំងពីរ ឱ្យកាន់ជិតស្និទ្ធ ក្នុងក្របខណ្ឌតំបន់ និងអន្តរជាតិ។
សម្ដេចប្រមុខរាជរដ្ឋាភិបាលកម្ពុជា ក៏បានជម្រាបជូនលោក វ៉ាង យី នាយឧត្តមនាវី តុង ជុន និងគណៈប្រតិភូ អំពីការវិវត្តថ្មីៗនៃស្ថានភាពព្រំដែនកម្ពុជា-ថៃ និងបានបញ្ជាក់ សា ជា ថ្មីនូវជំហររបស់កម្ពុជា ក្នុងការដោះស្រាយបញ្ហាព្រំដែនដោយសន្តិវិធី ផ្អែកលើច្បាប់ អន្តរ ជាតិ និងអនុលោមតាមអនុសញ្ញា សន្ធិសញ្ញា និង កិច្ចព្រមព្រៀងទ្វេភាគីដែលមាន ស្រាប់រវាងកម្ពុជា-ថៃ៕