FN ៖ នៅថ្ងៃទី២៨ ខែតុលា ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញចុះជួបសំណេះសំណាល ជាមួយកម្មករ-និយោជិត ចំនួន ១៨,០២៨នាក់ មកពីបណ្តារោងចក្រ សហគ្រាសចំនួន ៣២រោងចក្រ ដែលមានមូលដ្ឋាន ក្នុងខណ្ឌមានជ័យ និងខណ្ឌពោធិ៍សែនជ័យ រាជធានីភ្នំពេញ។
សម្តេចធិបតី ហ៊ុន ម៉ាណែត បានអញ្ជើញថ្លែងសំណេះសំណាលប្រមាណជាង១ម៉ោង, ខាងក្រោមជាខ្លឹមសារសំខាន់ៗរបស់សម្តេច៖
- សម្តេចធិបតី ហ៊ុន ម៉ាណែត ថ្វាយព្រះពរព្រះមហាក្សត្រ នៅក្នុងឱកាសខួបឡើងគ្រងរាជ្យសម្បត្តិ ១៩ឆ្នាំ
- សម្តេចធិបតី ហ៊ុន ម៉ាណែត បានថ្លែងថា ប្រមុខរាជរដ្ឋាភិបាលដឹកនាំដោយគណបក្សប្រជាជនកម្ពុជា តែនៅជាប់ជាមួយកម្មករនិយោជិត គ្រប់កន្លែង រហូតមក
- សម្តេចធិបតី ហ៊ុន ម៉ាណែត បានថ្លែងថា កម្ពុជាបណ្តុះធនធានមនុស្សគ្រប់វិស័យទាំងអស់ មិនមែនត្រឹមតែវិស័យកាត់ដេរនោះទេ
- សម្តេចធិបតី ហ៊ុន ម៉ាណែត បានថ្លែងថា កូននៅជាមួយរាល់ថ្ងៃ ម្តាយឪពុកមិនដឹងថាកូននោះលូតលាស់ធំនោះទេ ប៉ុន្តែបើបែកគ្នាយូរៗជួបម្តង ទើបដឹងថា កូននោះធំប្លែក សម្រាប់ការអភិវឌ្ឍប្រទេសជាតិក៏ដូចគ្នា
- សម្តេចធិបតី ហ៊ុន ម៉ាណែត បានថ្លែងអំណរគុណដល់ប្រជាពលរដ្ឋ កម្មករនិយោជិត កន្លងមក ដែលបោះឆ្នោតជូនគណបក្សប្រជាជនកម្ពុជា ឱ្យទទួលជោគជ័យ កាលពីខែកក្កដា កន្លងទៅនេះ
- សម្តេចធិបតី ហ៊ុន ម៉ាណែត បានថ្លែងថា រាជរដ្ឋាភិបាលនឹងខិតខំឱ្យសមត្ថភាព ដើម្បីកសាងសមិទ្ធផលជូនប្រជាពលរដ្ឋ ដើម្បីពលរដ្ឋកាន់តែរីកចម្រើន
- សម្តេចធិបតី ហ៊ុន ម៉ាណែត បានថ្លែងថា រាជរដ្ឋាភិបាល នឹងខិតខំសម្របសម្រួលដល់ការដំឡើងប្រាក់ឈ្នួលអប្បបរមា ដល់កម្មករនិយោជិត ហើយនឹងបង្កើនការជួយសម្រួលដល់ការចំណាយ
- សម្តេចធិបតី ហ៊ុន ម៉ាណែត បានថ្លែងថា ប្រទេសដទៃបានដំឡើងថ្លៃទំនិញផ្សេង ដោយសារអតិផរណា ប៉ុន្តែកម្ពុជាខិតខំរក្សាតម្លៃដដែល ជាពិសេសអគ្គិសនី
- សម្តេចធិបតី ហ៊ុន ម៉ាណែត បានសង្ឃឹមថា សង្គ្រាមអ៉ីស្រាអែល និងក្រុមហាម៉ាស់ នឹងមិនធ្វើឱ្យតម្លៃទំនិញឡើងថ្លៃផងដែរ
- សម្តេចធិបតី ហ៊ុន ម៉ាណែត បានបន្តអំពាវនាវដល់ម្ចាស់ផ្ទះជួលសម្រាប់កម្មករនិយោជិត កុំដំឡើងថ្លៃបន្តទៀត
- សម្តេចធិបតី ហ៊ុន ម៉ាណែត បានថ្លែងថា រាជរដ្ឋាភិបាលដឹកនាំដោយគណបក្សប្រជាជនកម្ពុជា កំពុងតែធ្វើដំណើរក្នុងផ្លូវត្រូវ ដោយបានចូលរួមធ្វើឱ្យជីវភាពរបស់ប្រជាពលរដ្ឋកាន់តែល្អប្រសើរឡើង
- សម្តេចធិបតី ហ៊ុន ម៉ាណែត បានថ្លែងថា ការឡើងថ្លៃដី មិនគ្រប់គ្រាន់ហៅថា ការអភិវឌ្ឍនោះទេ ប៉ុន្តែការធ្វើឱ្យប្រជាជនមានចំណូល បង្កើតការងារ នោះទើបជាការអភិវឌ្ឍ
- សម្តេចធិបតី ហ៊ុន ម៉ាណែត បានថ្លែងថា ការអភិវឌ្ឍ គឺកែប្រែពីតំបន់ដែលមិនសូវមានប្រយោជន៍ ទៅបង្កើតជាប្រយោជន៍សម្រាប់ប្រជាពលរដ្ឋ រស់នៅតំបន់នោះ
- សម្តេចធិបតី ហ៊ុន ម៉ាណែត បានថ្លែងថា រាជរដ្ឋាភិបាល នឹងធ្វើមិនឈប់ឈរដើម្បីឱ្យជីវភាពប្រជាជនកាន់តែមានបាន
- សម្តេចធិបតី ហ៊ុន ម៉ាណែត បានឆ្លើយតបចំពោះការរិះគន់របស់ក្រុមប្រឆាំងថា «បក្ខពួកខ្ញុំ មាន១៧លាននាក់ ហើយអ្នកមានអំណាចពិតប្រាកដ គឺប្រជាពលរដ្ឋ»
- សម្តេចធិបតី ហ៊ុន ម៉ាណែត បានថ្លែងថា ទោះបីជាប្រទេសមានការអភិវឌ្ឍ មិនដូចប្រទេសលោកខាងលិច ប៉ុន្តែកម្ពុជានឹងខិតខំថែរក្សាកំណើនជីវភាពរបស់ប្រជាពលរដ្ឋទៅមុខរហូត
- សម្តេចធិបតី ហ៊ុន ម៉ាណែត បានថ្លែងថា ប្រទេសអភិវឌ្ឍ គឺជាប្រទេសដែលមានប្រជាជនម្នាក់ៗ មានចំណូលក្នុងកម្រិតមួយខ្ពស់។
